Meqqusaalik nunarsuarmi tamarmi ilusilersuisartut akornanni akissarsitinneqartoq

Sisimiuni KNI-mi nittarsaassinermik immikkoortortaqarfik aamma MarketSquare Københavnimeersoq ilisarnaammik ilusilersukkaminnut Meqqusaalimmillu oqaluttuarnerminnut nuimasumik akissarsiaritinneqartartumik Cresta Award-imik akissarsitinneqarput.

Cresta Award tassaavoq nunarsuarmi tamarmi pilerisaarinermi, digitalimik ilusilersuinermi nittarsaassinermilu isumassarsiorluarsimanikkut saqqummiinermi angusaqarluarsimasunut akissarsiaritinneqartartoq.

Taamatut akissarsisitsisarneq suliaqartartunit nunanit 70-ineersunit ukiut tamaasa nassiussuilluarfigineqarluni ornigarneqarluartarpoq. Tamakku nassiussorneqartartut tassaasarput nunarsuarmi tamarmi suliffeqarfinniit tusaamasaasuniit nittarsaassinermit suliaqartuneersut.  Sulianik pitsaanersiuinermi Cresta internetsikkut attaveqatigiillutik dommeriusartunik peqarpoq, dommeriusartut taakku nittarsaassinermi ilusilersuinermilu nunarsuarmi tamarmi siuttuullutik ilaasortaasut 120-pput.

Ullut 14-it matuma siorna Meqqusaalimmiit nassiunneqartut ilisarnaatinut tunngatillugu nalilersuinermi pitsaanerpaat qulit akornanniittutut Cresta Award-imi dommerinit nalilerneqarput, taamalu ililluni akissarsititsinissamut bronzennassinnaanermut, sølvinnassinnaanermut, guldinnassinnaanermut kiisalu pitsaanerpaamik Grand Prix Cresta-nannissamik ajugaaniuutivinnermut ilaalerluta. Taannarpiaavorlu Meqqusaaliup ilisarnaataa Cresta bronze-nassutigisarput.

KNI-mi nittarsaassinermi pisortaq Anders Stenbakken:

”Ilusilersuinermi nunarsuarmi tamarmi Meqqusaaliup akissarsitinneqarnera nuannerluinnaqqissaarpoq. Meqqusaalimmik ilusilersuilluta suliaqarnitsinni nunarsuarmi tamaneersunit akissarsissutaasartumik nersornaatisinerput pikkunaqaaq – taamaattoqarneralu soorunami imminut tatiginerulernermik pilersitsivoq.

Meqqusaalik taaguusiullugu atisaliatta pitsaalluinnartuunerat upperaarput, ullumikkorniillu suli anginerungaartumik nioqqutiginissaat pissusissamisuuginnarluni, taamaattumik Meqqusaalimmik ilusilersuilluta suliaqarnitta inernerisa ilagaat nittartakkamik Meqqusaalimmik allatsitsiviusinnaasumik novemberimi ammaanissarput – allatsitsivissaq aallaqqaammut nunatsinniinnaq allatsitsiviusinnaangallassaaq. ”

Meqqusaaliup nittartakkakkut allatsitsiviusinnaanera Meqqusaaliup najugaaniit Sisimiuniit ingerlanneqassaaq tamaanilu uninngasuuteqarneq pissalluni.

KNI sulisoqarnermut, attaveqatigiinnermut piujuaannartitsinissamullu pisortassaminik nassaarpoq

Atuaruk
Pilersuisumi akinik qaffaanermi paasissutissat

Atuaruk
Aqqalu-Inuuteq Dahl: “Soqutigisara suliffigilerpara”

Atuaruk

Najoqqutassatut atuakkamut aqqut qaninneq

Atuagaq najoqqutassaq angerlarsimaffinni skærminnut toqqoruk qaqugukkulluunniit atoriaannanngorlugu.

1. Toornerit pingasut talerpiani teqeqqumiittut tuukkit

2. ”Føj til startskærm” tooruk

Startskærminnut ilannguguk

Najoqqutassatut atuakkamut aqqut qaninneq

Atuagaq najoqqutassaq angerlarsimaffinni skærminnut toqqoruk qaqugukkulluunniit atoriaannanngorlugu.

1. Skærmivit naqqani tooruk

2. "Føj til hjemmeskærm” tooruk

Angerlarsimaffinni skærminnut ilannguguk