KNI A/S Ingenør-imik pissarsiorpoq

Inuttassarsiuussat: 30-03-2026
  • Sumiiffik: Sisimiut
  • Atorfiniffik: Piaartumik imalt. isumaqatigiissuteqarnikkut

KNI-p ikummatissaqarnermut ingerlatsivia/Polaroil illoqarfinni nunaqarfinnilu ikummatissaataasiviit nutarterneqarnerinut aserfallatsaalinerinullu suliniutini pingaarutilimmik suleqataasussamik teknikkikkut pikkorissumik aaqqissuulluakkamillu sulisartumik ingeniørissarsiorpoq. Sisimiuni KNI A/S kiffartuussiviarni piaartumik imaluunniit isumaqatigiissuteqarnikkut sulilersussamik pissarsiorpoq.

Aqutsisut, teknikkilerisut ulluinnarnilu ingerlatsinermik suliaqartut akornanni ataqatigiissitsisuussaatit ulluinnarnilu suliniutinik aqutsinermik, teknikkimut tunngasutigut ikiuinermik sulianullu tunngasutigut siunnersuinermik assigiinngitsunik suliaqartassallutit.

Akisussaaffissatit

Suleqatit nunatsinni tamaneersut qanimullu suleqatigisartakkat suleqatigalugit nutartigassat aserfallatsaaliugassallu pilersaarusiorneqarnerinut suliarineqarnerinullu akisussaaqataassaatit.

Atorfimmut atatillugu piffissap ilaatigut angalangaatsiartarnissaq naatsorsuutigineqassaaq.

Ingeniør-itut pingaarnertut suliassatit makkuussapput:

  • Illoqarfinni nunaqarfinnilu nutarterinerni kiisalu aserfallatsaaligassanik anginerusunik suliniutinik aqutsineq
  • Sanaartukkatigut suliniutit aningaasaqarnermut tunngasortaanik malinnaaviginninneq
  • Nunap immikkoortuini ikummatissaataasiviit pisortaat ikummatissaataasiviillu pisortaat peqatigalugit teknikikkut tunngasutigut siunnersuineq siunersiueqatigiinnerlu
  • Sulianut tunngasutigut suleqatinik siunersioqateqarneq
  • Ikummatissaqarnermut ingerlatsivimmi teknikkimik sulialinnut sillimmataaneq
  • Ikummatissaataasiviit teknikkikkut tunngasutigut titartagartaannik nutarterineq

Atorfik makkuninnga ilisimasalimmik inuttalerusupparput:

  • Ingeniøritut allatulluunniit naleqquttumik ilinniagaqarsimanissaq
  • Teknikkikkut sanaartukkanik, suliniutinik aqutsinermik ulluinnarnilu ingerlatsinermik misilittagaqarneq iluaqutaassaaq
  • Sanaartugassat sanaartukkallu aningaasalersorneqarnerinik aqutsinermik ilisimasaqarnissaq
  • Suleqateqallaqqissoq suliffeqarfimmilu tamarmi suliatigut ikiuukkumassuseqarneq
  • Kalaallisut qallunaatullu oqalussinnaavutit, atuarsinnaavutit allassinnaallutillu nunatsinnilu kulturi ilisimaarilluarlugu
  • Tuluttut oqalussinnaaguit, atuarsinnaaguit allassinnaaguillu iluaqutaassaaq.

Atorfinittussamut neqeroorutigaagut:

  • Atorfik tamatigoortoq akisussaaffeqarfiusorlu assigiinngitsorpassuarnik suliassaqarfiusoq
  • Ingerlatsinermi aqutsinermilu qanimut suleqataanissamut periarfissalik
  • Ulluinnarni nammineertorujussuulluni sunniuteqarsinnaallunilu sulineq
  • Sullivimmi avatangiisit persuarsiorfiunngitsut suleqatillu tunniusimasut aalajangiisussanillu qanimut suleqataaffiusoq
  • Atorfinitsinneqarnermut atatillugu inissaqartitsisoqarsinnaavoq. Malittarisassat atuuttut najoqqutaralugit ineqarnermut akiliisoqartassaaq qularnaveeqqummillu akiliisoqassalluni.

Apeqqutissaqaruit suliniutini pisortaq Panêrak´ Olsen saaffigisinnaavat mailerfigalugu uunga pal@kni.gl, mobilianulluunniit sianer-lutit +299 52 87 11

Qinnuteqaat

Qinnuteqaat sukumiisoq tunngavilersugaq, ilinniarsimanermut siusinnerusukkullu sulisimanermut allattukkanik imalik (CV), oqaase-qaatit aammalu sulisitsisorisimasavit attaveqarfiginissaanut paasissutissaq, tigoreersimassavarput kingusinnerpaamik ulloq 22. april 2026.

Qinnuteqaat uunga nassiunneqassaaq:

KNI A/S
Sulisoqarnermut immikkoortortaqarfik
Postboks 319
3911 Sisimiut

E-mail: jobs@kni.gl

Uani qinnuteqarit:
Drag & Drop Files, Choose Files to Upload You can upload up to 10 files.
Qinnuteqaat, CV, pappiaqqallu pisariaqartut nassiutikkit. PDF-it piumaneruagut.

Najoqqutassatut atuakkamut aqqut qaninneq

Atuagaq najoqqutassaq angerlarsimaffinni skærminnut toqqoruk qaqugukkulluunniit atoriaannanngorlugu.

1. Toornerit pingasut talerpiani teqeqqumiittut tuukkit

2. ”Føj til startskærm” tooruk

Startskærminnut ilannguguk


Warning: file_get_contents() [function.file-get-contents]: Filename cannot be empty in /var/www/kni.gl/public_html/wp-content/themes/kni/footer.php on line 130

Najoqqutassatut atuakkamut aqqut qaninneq

Atuagaq najoqqutassaq angerlarsimaffinni skærminnut toqqoruk qaqugukkulluunniit atoriaannanngorlugu.

1. Skærmivit naqqani tooruk

2. "Føj til hjemmeskærm” tooruk

Angerlarsimaffinni skærminnut ilannguguk