KNI A/S piujuartitsinissamut ataqatigiissaarisussarsiorpoq

Inuttassarsiuussat: 07-02-2024
  • Sumiffik: Sisimiut
  • Atorfiniffissaq: Piaartumik imaluunniit isumaqatigiissuteqarnikkut

KNI A/S Sisimiuni qitiusumik kiffartuusiivimmi sulisussamik angusaqarluarumasumik aaqqissuussasumillu sulisinnaasumik piujuartitsinissamut ataqatigiissaarisussarsiorpoq

Nunatsinni najugaqarfiit ikummatissamik ulluinnarnilu nioqqutinik pilersornerini pisisartut ulluinnarni inuunerannut, peq-qissuunissaannut atugarissaarnissaannullu toqqaannartumik sunniuteqartarpugut. KNI-p i-nuiaqatigiinni akisussaaqataa-neranut tunngatillugu suleriusaa suliniutinik makkuninnga tunngaveqarpoq, naleqalersitsineq, piujuartitsisumik ineriartor-titsineq suliffeqarfissuullu soqutigisaqaqatigisaanut tamanut – kalaallinullu tamanut – ineriartortitsalluni.

Piujuartitsinerup iluani suliniutitta nalunaarusiortarnittalu siuarsarnissaat qulakkeerniarlutigu aaqqissuussaasumik naliler-suilluarlunilu sulisinnaasumik alapernaatsumik ESG-p piujuartitsinerullu iluini sulinermik misilittagalimmik suleqatissarsior-pugut. Atorfimmi assingusumi ukiuni ataatsimiit pingasunut misilittagaqareersimagaanni iluaqutaassaaq aammali ilinniak-kaminnik naammaserlaat ESG-mik ilisimasallit qinnuteqarsinnaanerinik kajumissaarusuppavut.

Inuiaqatigiinni akisussaaqataanerup iluani suliassanik piujuartitsinissamut ataqatigiissaarisutut makkua ilaatigut suliarisassavatit:

Inuiaqatigiinni akisussaaqataanitsinni suliniutitsinnik nalunaarusiortarnissatsinnilu suleqataasinnaasumik inuiaqatigiinni aki-sussaaqataanerup iluani nutaamik suleqatissarsiorpugut. EU-p peqqussutaa nutaaq, Corporate Sustainability Responsibi-lity Directive – CSRD, tunngavigalugu suliffeqarfiup ingerlatamini pingaarutilinnik qanoq pisoqariataarsinnaanerit annertu-nerusumik paasisimasaqarfigalugillu piujuartitsinermut atatillugu suliniutit atuutsilernissaannut nalunaarusiortarnissarlu annertunerusumik piumasaqaatitaqaleriartorput.

Sulisoqarnermut, attaveqaqatigiinnermut piujuartitsinermilu suliallit immikkoortortaqarfinniit assigiinngitsuneersut kiisalu suliffeqarfissuup sinerissami sulisui suleqatigalugit ataqatigiissaarisutut piujuartitsinermik suliassat pingaarnertut sulias-sarissavatit.

  • Niuernerup, ulluinnarni nioqqutinik ikummatissanillu pilersuinermi piujuartitsiviusumik aaqqiissuteqartarnerit
  • Suliffeqarfissuarmi tamarmi inuiaqatigiinni akisussaaqataanermi suliniutigineqartussanik ineriartortitsineq
  • Suliffeqarfissuarmi tamarmi, pingaartumik sanaartukkani, silamut nukissiuuteqarnermullu tunngasuni suliniutit
  • Piujuartitsinermi suliaqarnerup iluani killiffik pitsanngorsaanerlu sammillugit nalilersueqqissaarluni sulineq
  • Suliffeqarfiup piujuartitsinerup iluani suliniutaanut tunngatillugu nutaamik nalunaarusiortariaasissamik ineriartortitsineq kiisalu inuiaqatigiinnut soqutigisaqaqatigiinnullu sunniuteqarneq
  • Suleqatit peqatigalugit avatangiisimut tunngatillugu aqutseriaasissamik pilersitsiartuaarneq aserfallatsaaliinerlu
  • Piujuartitsinerup iluani suliniutinut tunngatillugu ataqatigiissaarineq, attaveqaqatigiinneq sungiusaanerlu

Ilisarnaatigisassatit:

Akisussaaffigisassat iluatsittumik naammassissagukku suleriutsinik nammineerluinnarlutit ingerlataqarsinnaanerit pingaa-ruteqarpoq kiisalu KNI-p anguniagaanut naapertuuttumik piujuartitsinissami tunngavissanik paasinnissinnaanissat atuut-sitsilersinnaanissallu pisariaqarluni. Suliassat piujuartitsinermi suleqatigiit qanimut suleqatigalugit soorunami ingerlanne-qassapput.

Suliffeqarfissuarmi immikkoortortaqarfiit soqutigisaqaqatigiillu assigiinngitsut tamaasa suleqatigissavatit. Akisussaaffigi-sassanni taamaattumik atassuteqaateqarluarnissat, sunniuteqarluarsinnaanissat aaqqissuussaanermilu assigiinngitsuni inissisimasuni suleqateqarluarsinnaanissat pisariaqarpoq.

Suliniutini suliallu ingerlanneqarnerini aqutsinermik misilittagaqartuullutit ilinniagartuujunissat naatsorsuutigaarput.

KNI A/S-ip qanoq neqeroorfigaatit?

Suliaqarfik pisisartutta, oqartussat soqutigisaqaqatillu allat eqqummaariffigileraluttuinnagaanni atorfimmi soqutiginarlu-innartumik neqeroorfigaatsigit. Suliaqarfik ammasumik nalunaarusiortarnissamut piumasaqaatitaqaleraluttuinnartoq ineriartortinneqaleruttorpoq.

Suliffeqarfissuaq sulianut inuttullu ineriartortitsinermik pingaartitsilluni periarfissaqartitsisoq peqataaffigilissavat pigin-naasatillu naapertorlugit akissarsiaqartinneqassallutit. Suliffeqarfitsinni sulisut assut naammagisimaarinnillutik sulipput sulisullu ineriartortinneqarnissaat ingerlataralutigu.

Atorfinittumut tunngatillugu inissiamik innersuussisoqassaaq.

Qinnuteqaat

Atorfik pillugu paasisaqarnerujumaguit sulisoqarnermut, attaveqaqatigiinnermut piujunartitsinermullu pisortaq, Juliane H. Heilmann, attavigisinnaavat uunga xjh@kni.gl

Qinnuteqarnissamut killissarititaq tassaavoq 26. februar 2024.

Qinnuteqaat uunga nassiunneqassaaq:
KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kni.gl

Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaappoq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siammasissorujussuaq ataatsimoortinne-qarpoq.

Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qanittumi kiisalu Kangerlussuarmut timmisartunut mittarfimmut avammut avataaniillu attaveqaatit eqiteruffiannut inissisimasumi. Kalaallillu Nunaat tamakkerlugu 900-it eqqaasiorlugit amerlassusilinnik sulisoqarpugut, ukiumullu 2,5 mia. kr.-it pallillugit kaaviiaarti-ttarlutigit.

Suliffeqarfissuarmik paasisimanninneq aamma tassaavoq Kalaallit Nunaata oqaluttuassartaanik, inuiaqatigiit aaqqissuus-saanerannik ineriartornerannillu paasisimasaqarneq. Silarsuarmut akisussaaffilimmut unammilligassanillu qaangerniagas-salimmut tikilluarit. KNI-p silarsuaanut tikilluarit.

Uani qinnuteqarit:
Click or drag files to this area to upload. You can upload up to 10 files.
Qinnuteqaatit CV-llu nassiutikkit. pdf atussallugu iluarineruarput.

Najoqqutassatut atuakkamut aqqut qaninneq

Atuagaq najoqqutassaq angerlarsimaffinni skærminnut toqqoruk qaqugukkulluunniit atoriaannanngorlugu.

1. Toornerit pingasut talerpiani teqeqqumiittut tuukkit

2. ”Føj til startskærm” tooruk

Startskærminnut ilannguguk

Najoqqutassatut atuakkamut aqqut qaninneq

Atuagaq najoqqutassaq angerlarsimaffinni skærminnut toqqoruk qaqugukkulluunniit atoriaannanngorlugu.

1. Skærmivit naqqani tooruk

2. "Føj til hjemmeskærm” tooruk

Angerlarsimaffinni skærminnut ilannguguk