KNI A/S Sisimiuniittumi Kiffartuussivimmi Ikummatissaqarfik nassiussuinermi ataqatigiissaarisartussarsiorpoq piaartumik imaluunniit isumaqatigiissuteqarnikkut atorfinittussamik.
Nunatsinni ikummatissamik pilersuinerup qiterpiaani sulinissaq assissaqanngitsumik KNI Ikummatissaqarfimmi periarfissaqarfigaat.
Nunatsinni aqqusersuisimanermi annertuumik akisussaaffeqarfiusumi pingaarutilimmilu ilaalissaatit.
Assartuinermi pikkoriffeqaruit, suleqateqallaqqikkuit, nunatsinni pingaarutilimmik suliami suleqataarusukkuit suleqatigilerusuppatsigit.
Nunatsinnut tamarmut ikummatissanik imerpalasunik pilersuinitsinni ingerlatitseqqittarnitsinnilu suliaqarnitsinni pingaarutilimmik inissisimassaatit.
Atorfinittussap nassiussalerinermut pisortaq qaninnertut pisortarissavaa
Ilaatigut makku suliarissassavatit akisussaaffigalugillu:
- Ikummatissamik avataaniit eqqussuinermi umiarsuarnik, sinerissami ikummatissamik assartuummut, umiarsuaatileqatigiinnut akuiaavinnullu attaveqarneq ataqatigiissaarinerlu
- Suliffeqarfiup iluani avataanilu pisisartunik suleqateqarneq
- Tuniniaanermi nunarsuarmi tamarmi ikummatissamik tuniniaasutut akunnermiliuttartunut attaveqarneq suleqateqarnerlu
- Illoqarfinni inoqarfinnilu uninngasuutinik nutarteriuarneq nakkutiginnittuarnerlu
- Silassamut sikoqassutsimullu kiisalu atueriaatsit allanngornerinut malinnaajuarneq
- ISPS-mi suleqatigiinnermut akuuneq (nunarsuarmi tamarmik umiarsualivinni isumannaatsuutitsineq)
- KNI Ikummatissaqarfiup nittartagaanik ingerlatsineq nutarterisarner-lu
- Nassiussuinermi pisortaq suleqatigalugu ikummatissat imerpalasut nassiussoqqinnissaannik eqqussuinissamullu pilersaarusiorneq
- Ingerlatitseqqittarnermi aningaasartuutitassaannillu nalilersuineq
- Nassiussat avataaniit eqqussatta pitsaassusissaannik qulakkeerinninneq, pingaartumik timmisartunut orsussaq eqqarsaatigalugu
- Ikummatissamik tuniniaanermi suliallit suleqatiginissaat
- Nassiussuinerup pilersuinerullu iluani suliassat takkussuuttut assigiinngitsut
Taakku saniatigut makku kissaatigaarput:
- Nunatsinnut attaveqaasersuutinullu ilisimasaqarluarnissat
- Tuluttut, kalaallisut danskisullu oqaatsit atorluarsinnaagitit
- Nassiussalerinerup iluani ilinniagaqarsimanissat aamma /imaluunniit misilittagaqarnissat
- Aaqqissuussaalluartumik sulisarnissat, ataqatigiissaarillaqqinnissat soqutigisaqartullu assigiinngitsut suleqatiginissaat sungiusimassagit
Atorfinittussamut neqeroorutigaagut:
- Misilittakkatit piginnaasatillu naapertorlugit orniginartunik akissaateqartitsinissaq
- Atorfinitsinneqartumut Sisimiut avataaneersumut inissaqartitsisoqarsinnaavoq, tassungalu qularnaveeqqut, ineqarnermut akiliut, atuineq il.il. akilerneqartassapput inatsisit malillugit
- Nuunnermi angalanermi kiisalu pequtit angallannerannut akiliunneqarneq
- Atorfik pissanganartoq suliamut tunngatillugu inuttullu piginnaasanik ineriartortitsinissamut periarfissalik
Atorfik pillugu paasisaqarnerorusukkuit nassiussuinermi pisortaq Niels Chemnitz attavigisinnaavat mobil: +299 52 44 19 imalunniit e-mail: niz@kni.gl
Qinnuteqaat
Qinnuteqaat sukumiisumik tunngavilersugaq, ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasappit attaveqarfiginissaanut paasissutissaq, tigoreersimassavarput kingusinnerpaamik ulloq 16. april 2026.
Qinnuteqaat uunga nassiunneqassaaq:
KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kni.gl
