KNI A/S-ip suleqatigiitsialaat ilaniarpai

Ineriartortitseqatigiit siunnersortinik pingasunik ilaneqassapput

Sisimiuni Sulisoqarnermut immikkoortortaqarfimmi Ineriartortitsinermut siunnersortinik pikkorissunik pingasunik pissarsiorpugut piaartumik imaluunniit isumaqatigiissuteqarnikkut atorfinittussanik.

KNI-p Ineriartortitsinermut immikkoortortaqarfia annertuumik pingaartinneqarpoq, KNI-p periusissiaata Killingusaap piviusunngortinnissaanut ikorfartueqataasussaagami. KNI-p aalajangiuppaa piginnaasanik ine-riartortitsinermut suliai Taqqissuummik ataatsimut taaneqartup suleqatigiivi pingasunik tunniusi-masunik piginnaasalinnillu Ineriartortitsinermut siunnersortinik ilaneqassasut, taamaalilluni Ineriartor-titsinermut immikkoortortaqarfitsinni suleqatigiit arfinilinngortillugit.

Sulisoqarnermut immikkoortortaqarfitta niuernermik eqqarsarluni ingerlatsinissaa pilersikkiartorparput. Sulisoqarnermut  immikkoortortaqarfik niuernermik eqqarsarluni ingerlatsisup suliffeqarfiup soqutigisai ingerlatissavai, suliffeqarfiullu suliassai pingaarnerit aallaavigalugit, kiffartuussineq, pisisartut, unammil-ligassat, inernerit periarfissallu suleqataaffigissallugit. Sulisoqarnermut immikkoortortaqarfimmi suliamut pikkoriffigut atorlugit aaqqiissutit kissaatigineqartutut kinguneqarnissaat qulakkeertuassavavut suliffe-qarfimmillu naleqarnerulersitseqataassalluta kiisalu aqutsisunut siunnersueqataalluta.

Taqqissuummit ingerlanneqarput KNI-p nammineerluni ilinniarnernik ingerlatai Niuertunngorniarneq, Ikummatissaasivilerisunngorniarneq Aqutsisunngorniarnerlu, soorlu aamma suliamut inuttullu pigin-naanngorsarnernit ingerlatat Taqqissuummit Ineriartortitsinermut immikkoortortaqarfimmit inger-lanneqartut. Ineriartortitsinermut immikkoortortaqarfiup suliassai sulilerlaanik aallartitsilluarnissamik suliassat tigussavaat KNI-llu ineriartortillugu ingerlataata Leadership Pipeline-ip atuutilersinneqarnissaa.

Ineriartortitsinermut siunnersortitut pingaarnertut makku suliassarivatit:

  • KNI-p Sulisoqarnermut immikkoortortaqarfiani periusissioqataaneq
  • Ineriartortitsinermut suliniutinik nutaanik pilersaarusiorneq, aallarnisaaneq ataqatigiissaarinerlu
  • HR-ip suliaanik paasissutissiisarneq attaveqaqatigiinnerlu
  • Ilinniartunut tunngasunik suliaqarneq
  • Sulisoqarnermut tunngasunik paasissutissanik suliaqarneq
  • Sulisoqarnermut immikkoortortaqarfiup niuernermik eqqarsarluni sulinissaanik kivitseqataaneq

Ineriartortitsinermut siunnersortitut  atorfinittussap makkua piginnaaneqarfigissagai piumasaqaatigaarput:

  • Ilinniagartuutut assingusumilluuniit ilinniarsimanissaq, ineriartortitsinermilluunniit misilittagaqarnissaq
  • Aaqqissuussamik siumut isigaluni suliaqarsinnaanermik misilittagaqarneq
  • Kisitsisinik pingaarutilinnik suliaqarnissamut paasissutissanik katersilluarsinnaasoq
  • Tamatigoortoq, akisussaassusilik, ammasoq, inuunermut pitsaasumik isiginnittoq suleqateqarsinnaasorlu
  • Tamakkiisumik isiginnissinnaaneq immikkoortortaqarfinnillu suleqateqarsinnaaneq
  • Ataqatigiillualersitsisinnaaneq attaveqarfigisartagaqalersitsinerlu
  • Namminersorluni sulisinnaaneq, isumassarsiorsinnaasorlu

Atorfinittussamut neqeroorutigaavut:

  • Kalaallit Nunaanni niuernermik kiffartuussinermillu suliaqarfiit annersaanni atorfeqarneq
  • Suleqatit nuannaartut tunniusimasullu allaffeqatigalugit sulineq
  • Kikkunnik tamanik qanimut pitsaasumillu suleqateqarneq
  • Piginnaasat naapertorlugit isumaqatigiissuteqarnikkut akissaateqartitaaneq

Atorfimmut atatillugu angalangaatsiartarsinnaaneq naatsorsuutigineqassaaq.

Atorfik pillugu paasisaqarnerorusukkuit HRD Manager Dorthea Isaksen attavigineqarsinnaavoq oqarasuaatikkut: 86 24 72, imaluunniit mail-ikkut: dis@kani.gl

Qinnuteqaat
Qinnuteqaat ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasappit attaveqarfiginissaanut paasissutissaq, tigoreersimassavarput 28. august 2019.

Qinnuteqaat uunga nassiunneqassaaq:

KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kani.gl

KNI Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat. Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartittarpai.

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatissaqar-titsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mittar-feqarfitsigut nittartakkakkullu tuniniaanikkut.

KNI pillugu paasisaqarnerorusukkuit  www.kni.gl-imut iserlutit paasisassarsiorsinnaavutit.

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl