Nioqqutissanut pisortaq

Nioqqutissarsiniartarfimmut immikkoortoqarfitsinni naleqartitavut pingaarnertut tunngavigalugit, periusis-siap kiisalu nioqqutit assigiinngitsut aqunneqarnerisa ineriartortinneqarlutik atuutsinneqarnissaanni peqa-taarusuppit?

KNInioqqutissanut pisortamik (blød nonfood) nioqqutissarsiniartarfimmut immikkoortortoqarfimmut pis-sarsiorpoq ulloq 1. august 2021 aallarnerfigalugu imaluunniit isumaqatigiissuteqarnikkut sulilersussamik.

KNI-p Qitiusumik kiffartuussiviani nioqqutissarsiniartarfittut immikkoortoqarfia pisiniarfinnut 64-inut, KNI Engros-imut kiisalu Kangerlussuarmi akitsuuteqanngitsunik nioqquteqarfitsinnut sullissisuuvoq. Nioqqu-tissarsiniartartutut akisussaaffik nioqqutinut assigiinngitsunut tunngatillugu pisortanut pingasunut aggua-taagaavoq, taakkulu akisussaaffigaat nerisassat, atisat kiisalu atortut. Taakku saniatigut atorfeqartuupput nioqqutissanut tunngatillugu suliallit allat, taakkulu nioqqutissanut assigiinngitsunut pisortanut, pisiniar-finnut noqqaasarfinnullu attaveqaataallutik nioqqutissarsiniartarfimmi sulinermi allaffissorluni suliassar-passuarnut akisussaasuusut. Immikkoortoqarfimmi 14-inik sulisoqarpoq.

Nioqqutissarsiniartarfimmut immikkoortortaqarfimmiissaatit nioqqutissanik pisiniarnermut pisortaq qanin-nertut pisortarissavat.

Nioqqutissanut pisortatut akisussaaffigissavatit:

  • Immikkoortortani nioqqutit ineriartortinnissaat pitsanngorsarnissaallu sumiiffinnullu tulluarsarlugit. Blød non-food ataaniipput annoraamerngit, atortussat, pinngussat, allaffissornermi atortut pequtillu
  • Nammineq meqqimik pigisatsinnik Meqqusaalimmik nioqqutaatitsinnillu ineriartortitsineq
  • Nioqqutissani assigiinngitsuni noqqaasarfigisassallu ataqatigiissaarnerat ineriartortillugillu pitsan-ngorsarnissaat, kiisalu akikilliliiffigineqarnissamut, ajunngitsorsiassanut, tuniniaanissamut nittar-saassinermut tapiinissaannut isumaqatigiinniarnerit pajuttuinissamullu piumasaqaatit
  • Missingersuutinik suliaqarneq eqquutsitsinerlu, kiisalu pilersaarusiornikkut kisitsisitigut anguniakkat
  • Nammineq nioqqutaatinik ineriartortitsineq, pisisartunik, unammillertinik niuerfinnillu ilisimasaqar-nissaq
  • Pisiniarfinnik peqataatitsineq atorlugu annerpaamik piginneqataatitsineq / piviusunngortitsineq
  • KNI-mi naleqartitanik periusissianillu atuutsitsilernissamik aalajangiussisimaannarnissamillu qulak-keerinninneq

Nioqqutissanut pisortatut pingaarnertut suliassatit makkuussapput:

  • Nioqqutigisassanik nalilersuineq naleqqussaanerlu
  • Naatsorsuineq akilersuinerlu
  • Piffissaq eqqorlugu nioqqutit neqeroorutissat tikinnissaat qulakkeerlugu
  • Nittarsaassinermik malinnaaffiginninneq
  • KNI-p niuffatsitsinerini peqataaneq
  • Ukiumoortumik noqqaasarfiit ataatsimeeqatigalugit
  • Noqqaasarfinnut isumaqatigiissutit malinnaaffigalugit
  • Nioqqutit immikkoortukkaarlugit nioqqutissarsiniarnissamut missingersuusiorneq
  • Suliamut attuumassutilinnut niuffatsitsinernut peqataaneq
  • Pisiniarfiit qanimut attaveqaqatigalugit -  akulikitsumillu pisiniarfinnut alakkaanerit

Atorfik inummik imaattumik inuttalerusupparput:

  • Nioqqutissanut pineqartunut sukumiisumik ilisimasalik
  • Nalilersuilluarsinnaasoq kisitsisilerillaqqissorlu
  • Isumaqatiginninniallaqqissoq
  • Attaveqaqatigiillaqqissoq
  • Pisortaallaqqissoq
  • Ulluni ulapaarfinni ataatsimut takunnissinnaasoq maluginiagassanillu tappissoq
  • Angusaqarluarusuttoq
  • Suleqatiginnillaqqissoq / suleqatigiittut sulisartoq
  • Eqaatsumik suleriaaseqarlunilu nammineersinnaassuseqartoq.

Qinnuteqartumut eqqortumut neqeroorutigaavut:

  • Piginnaasat naapertorlugit immikkut isumaqatigiissuteqarnikkut akissaateqartitaaneq
  • Atorfimmut atatillugu inissaqartitsisoqassaaq, tassungalu qularnaveeqqut, ineqarnermut akiliut, atuineq il.il. akilerneqartassapput, inatsisit malillugit
  • Nuulluni angalanermi kiisalu pequtit angallannerannut akiliunneqarneq
  • Suliffik soqutiginartoq persuarsiorfiunngitsumik ataqatigiiffiusoq, taamaattorli naleqartitatsinnik pingaartitsiviusoq
  • Allaffimmi ammaannartumi sulisut nuannaartut tunniusimasullu peqatigalugit sulilissaatit.

Atorfik pillugu paasisaqarnerorusukkuit logistikchef Markus Falksen attavigineqarsinnaavoq oqarasuaatik-kut: 86 23 27 imaluunniit mailikkut: mfa@kani.gl.

Qinnuteqaat
Qinnuteqaat sukumiisumik tunngavilersugaq, ilinniarsimanermut siusinnerusukkullu sulisimanermut nalu-naarsukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutis-saq, tigoreersimassavarput kingusinnerpaamik ulloq 24. juni 2021.

Qinnuteqaat uunga nassiunneqassaaq:

KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kani.gl

KNI Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat. Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartittar-pai.

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatissa-qartitsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mittarfeqarfitsigut nittartakkakkullu tuniniaanikkut.

KNI pillugu paasisaqarnerorusukkuit  www.kni.gl-imut iserlutit paasisassarsiorsinnaavutit.

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl