IT-qanermi pisortaq

KNI A/S piginnaaneqarluartumik niuernermillu ingerlatsinermik paasisimasaqarluartumik, aqutsisutut suli-simanerminik takussutissaateqartumik, ajornanngippallu nioqquteqarluni ingerlataqarnermik misilittaga-limmik, piaartumik isumaqatigiissuteqarnikkulluunniit atorfinittussamik IT-qarnermut pisortassarsiorpoq.

Suliffeqarfissuup IT-qarnerani sulisut katillugit tallimat pingaarnertut pisortaaffigilissavatit. Atorfimmi atorfininnermi suliffeqarfimmi tamarmi sulisut amerlasuut suliffeqarfiutigisarlu attavigineqartassapput. Taamaattumik sulisut qanorluunniit suliaqaraluarpata attaveqaqatigilluarsinnaassagitit suleqatigisinnaas-sagitillu naatsorsuutigaarput.

Atorfimmik soqutiginartumik pissanganartumilu nammineerfiusinnaalluartumik atorfeqarnissannik matu-muuna neqeroorfigaatsigit. KNI A/S-imi sumiiffinni assigiinngitsuni 70-ini atuisut 1000-it missaanniittut sullinniarlugit IT-systemit assigiinngitsut atugarigatsigit assigiinngitsorpassuarnik suliassartaqartarput.

Sulisut piginnaaneqarluartut tunniusimalluartullu persuarsiorfiuunngitsumi sulisut suleqatigilissavatit. Atorfik suliffeqarfiup Sisimiuni qitiusumik kiffartuussiviani inissisimavoq.

Atorfinittussap aningaasaqarnermut pisortaq qaninnertut pisortarissavaa.

Atorfimmi akisussaaffigisassat
Ulluinnarni IT-qarfiup ineriartortinneqarnissaanut, aningaasaqarnera, IT-qarnermi ineriartortitassai IT-qarnermilu ingerlatsineq pingaarnertut akisussaaffigissavatit Suliffeqarfiup Periusissiornermi niuernermillu ineriartortitsinermi immikkoortortaqarfia qanimut suleqatigalugu suliffeqarfiup digitalinngorsaanermut periusissiaata ineriartortinnissaanut atuutsilernissaanullu pingaarutilimmik inissisimassallutit, suliassanullu aamma ilaapput ERP-imik systemeqarnermi AX 4.0-imiit Microsoft Dynamics 365-imut nutarsaanermik suliaqarneq.

Suliassat taaneqarsinnaasut ilaat tassaapput:

  • IT-qarnerup iluani annertuumik isumannaatsuutitsineq kiisalu pisunik assigiinngitsunik sukumiisumik suliaqarnissaq
  • Suliffeqarfiup digitalinngorsaanermini periusissiaata ineriartortinneqarneranut suleqataaneq ikaar-saarnermut, piviusunngortitsinermut kiisalu atuutsitsilernermut pisariaqartinneqartunik qularnaarin-ninneq
  • Ajornartorsiutigineqalersinnaasunik sussusersiniaanermi qanoq IT-qarnikkut aaqqiisinnaanermik siunertaqartumik immikkoortortaqarfiit allat isumasioqatigalugit suleqatigalugillu suliffeqarfiup IT-qarneranik siuningaaniit nukittorsaaneq
  • Suliffeqarfiup IT-qarnermik ingerlatsinerata qaffasissuunissaanik qulakkeerinninneq
  • Noqqaasarfinnik aqutsinermik suliaqarneq

Qanoq ittuunerit
Inuttut nukittuujuvutit sulianullu tamanut malinnaaneq iluarisimaartarlugu, tassami ulluinnarni ingerlatsi-nermut peqataarusuttaravit. Pisortatut alapernaatsuuvutit, kajumissaarisarlutit, tatiginninnermik pilersitsi-sarlutit sulisuillu tapersorsornissaat paasisimasaqarfigalugu. Pitsanngorsaajuarnissaq siunertaralugu nu-taanik siunnersuuteqartoqarnissaanut isumasioqatiginnittarnerlu ammaffigisuuatit.

IT-qarnerup iluani aqutsinermik misilittagaqarluarputit, ingerlatsinermut tappittuullutit aningaasaqarnerlu aqulluarsinnaallugu. Nioqquteqarnerup iluani misilittagaqanngikkuit ilisimasassanik katersipallassaatit.

Pisinnaasat
Takorloorparput atorfimmut qinnuteqartoq atorfimmi assingusumi misilittagaqassasoq, IT-qarnerup aqutsinerullu iluani naleqquttumik ilinniakkamik naammassinnissimasuussasoq.

Qinnuteqartumut eqqortumut neqeroorutigaagut:

  • Immikkut isumaqatigiissuteqarnikkut akissarsiassat atugassarititaasullu pitsaasut qinnuteqartunut piukkunnarluartunut naammaginartut
  • Atorfimmut atatillugu inissaqartitsisoqassaaq, tassungalu qularnaveeqqut ineqarnermullu akiliutissat inatsisit malillugit akilerneqartassapput
  • Piginnaasat ineriartortinnissaanni periarfissat pitsaasut
  • Suliffik ulluni tamani assigiinngitsuusuni assigiinngissitaarfiusoq, pissanganartoq unamminartorlu.

Atorfik pillugu paasisaqarnerorusukkuit aningaasaqarnermut pisortaq Jan H. Lynge-Pedersen attavigineqar-sinnaavoq oqarasuaatikkut: 86 24 59 imaluunniit mailikkut: jalp@kani.gl.

Qinnuteqaat
Qinnuteqaat sukumiisumik tunngavilersugaq, ilinniarsimanermut siusinnerusukkullu sulisimanermut nalu-naarsukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutis-saq, tigoreersimassavarput kingusinnerpaamik ulloq 31. juli 2022.

Qinnuteqaat uunga nassiunneqassaaq:

KNI A/S
Sulisoqarnermut immikkoortortaqarfik
Postboks 319
3911 Sisimiut
Mail: jobs@kani.gl

KNI A/S Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat. Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartittar-pai. 

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatissaqar-titsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mittar-feqarfitsigut nittartakkakkullu tuniniaanikkut.

KNI pillugu paasisaqarnerorusukkuit www.kni.gl-imut iserlutit paasisassarsiorsinnaavutit. 

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl