Tekniker

Neqi A/S Narsami toqoraavimmut teknikerimik aalajaatsumik tatiginartumillu pissarsiorpoq piaartumik imaluunniit isumaqatigiissuteqarnikkut atorfinittussamik.

Kalaallit Nunaata qitiusumik nerisassaqarfiani illoqarfimmi Narsami, Neqi A/S inissisimavoq, taannalu KNI A/S-ip suliffeqarfiutigaa. Kujataani toqoraavimmi tassani, ukiumut savaaqqat 25.000-it eqqaasiorlugit amerlassusillit toqorarneqartarput. Savaaqqat neqaannik nioqqutissiat amerlanersaat Kalaallit Nunaanni pisiniarfiit pisiortugaraat.

Tekniker-ip tekniskchef-i qaninnertut pisortarissavaa.

Tekniker-itut uku akisussaaffigissavatit:

• Ulluinnarni iluarsartuutassat aserfallatsaaliugassallu
• Teknikkimut tunngatillugu pitsannguutissanut pilersaarutit peqataaffiginissai
• Teknikkimut tunngatillugu atortut nakkutiginissai
• Nammineerluni nakkutilliinermut malitassanut akisussaasuuneq

Atorfinittussap makkua piginnaasaqarfigissagaai piumasaqaatigaarput:

• Tekniker-itut ilinniagaqarsimassasutit imaluunniit tassunga assingusumik
• Atorfimmut assingusumik misilittagalik
• Ammoniakimut tunngasunik ilisimasaqarnissaq
• Sulianut tunngatillugu iluarsiissuteqarnissamut akisussaaffilik
• Torersuutitsinissamik pingaartitsisoq aammalu ulluinnarni aserfallatsaaliuinermik isumaginnissinnaasoq
• Aalajaatsoq suleqatikkuminartorlu

Atorfinittussamut neqeroorutigaagut:

• Piginnaasat naapertorlugit isumaqatigiissuteqarnikkut akissaateqartitaaneq orniginartoq
• Atorfimmut atatillugu inissaqartitsisoqanngilaq
• Suliffik ulluni tamani assigiinngissitaarfiusoq, pissanganartoq unamminartorlu
• Piginnaasat ineriartortinnissaanni periarfissat pitsaasut

Atorfik pillugu paasisaqarnerorusukkuit tekniskchef-i Viggo Djurhuus attavigineqarsinnaavoq mobil: 49 77 08  imaluunniit mail-ikkut: vdj@kani.gl.

Qinnuteqaat
Qinnuteqaat sukumiisoq tunngavilersugaq, ilinniarsimanermut siusinnerusukkullu sulisimanermut allat-tukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissat tigoreersimassavagut kingusinnerpaamik ulloq 21. marts 2023.

Qinnuteqaat uunga nassiunneqassaaq :

KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kani.gl    

Kalaallit Nunaanni inuiaqatigiinni sukkasorujussuarmik ineriartorneqarpoq, aammalu KNI-mi taamaappoq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siamasissoru-jussuaq ataatsimoortinneqarpoq.

Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qanittumi kiisalu Kangerlussuarmut timmisartunut mittarfimmut avammut avataaniillu attaveqaatit eqiteruffiannut inissisimasumi. Kalaallillu Nunaat tamakkerlugu 1.000-it eqqaasiorlugit amerlassusilinnik sulisoqarpugut, ukiumullu 2,5 mia. kr.-it pallillugit kaaviiaartittarlugit.

Suliffeqarfissuarmik paasisimanninneq aamma tassaavoq Kalaallit Nunaata oqaluttuassartaanik, inuiaqati-giit aaqqissussaanerannik ineriartornerannillu paasisimasaqarneq. Silarsuarmut akisussaaffilimmut unam-milligassanillu qaangerniagassalimmut tikilluarit. KNI-p silarsuaanut tikilluarit.