Nioqqutissanik nakkutilliisoq

Nioqqutissarsiniartarnermik nassiussugalerinermillu misilittagaqarpit? Taamaappat Nunatsinni nioqqute-qarnermik ingerlatsisut annersaanni sulilersinnaavutit nioqqutissanik nakkutilliisutut atorfininnissamut qinnuteqarnikkut.

Pilersuisup Sisimiuni kiffartuussivia nioqqutissarsiniarnermik nassiussugalerinermillu immikkoortortaqarfia ulloq 1. marts 2019 isumaqatigiissuteqarnikkulluunniit sulilersussamik nioqqutissanik nakkutilliisussar-siorpoq.

Nioqqutissanik nakkutilliisup Pilersuisumi pisiniarfiit 64-it suleqatigalugit suliassaasa ilagissavai noqqaas-sutissatut siunnersuutinik suliaqarneq, akuersineq atuaatitsinerlu.

Nioqqutissanik nakkutilliisup qaninnertut pisortarissavaa nioqqutissanik nakkutilliinermi pisortaq. 

Nioqqutissanik nakkutilliisutut pingaarnertut suliassatit makkuussapput:

  • Pisiniarfinnut tamanut nioqqutissarsiassanik siunnersuusiorneq
  • Nioqqutissanut aalajangersimasunut pisortaq kiisalu nunap immikkoortuani pisortaq suleqatigalugit noqqaassutinik nassiunneqartunik suliaqarneq
  • Noqqaassutinik akuerineqarnikunik atuaatitsineq
  • Noqqaassutit atuarteriikkat misissoqqissaarneqarnerat
  • Ukiussamut nioqqutissanik eqqanaarsaatinik annertuumik ukkassineq
  • Nioqqutinik uninngasuutinik nakkutilliineq
  • Pisiniarfiit naatsorsuinerini ikiuunneq
  • Nioqqutissarsiassatut siunnersuutit qanoq suliarineqartarnerinik niuertunut pisiniarfinnilu sulisunut ilinniartitsineq
  • Noqqaassutinik nassiussuineq
  • Misissoqqitassanngortitanik nakkutilliineq
  • Noqqaassutinik tikittoorutinik malinnaaviginninneq
  • Nioqqutissanik noqqaassutinik nakkutilliineq iluarsaassinerlu
  • Atorfimmut atatillugu ukiup ingerlanerani angalasarnissaq.

Nakkutilliisutut atorfinittussap makkua piginnaaneqarfigissagai piumasaqaatigaarput:

  • Nioqqutissarsiniartarnermik nassiussugalerinermillu misilittagaqarneq, nioqquteqarnermik inger-latsinerup iluani misilittagaqarneq iluaqutaassaaq piumasaqaataananili
  • Nioqqutissanut aalajangersimasunut pisortamut kiisalu nioqqutissanik suliaqarnermi nakkutilliisut pisortaannut isumasioqatigineqarsinnaaneq
  • Nammineersinnaassuseqarneq
  • IT-mi atugassanik ilisimasaqarneq, ajornanngippat Axapta aamma Microsoft Excel atornissaannut misilittagaqarneq
  • Ulluni ulapaarfinni aaqqissuulluakkamik sulisinnaaneq ataatsimullu takunnissinnaaneq
  • Killingusaami periusissiatta atuuttunngortinnissaa piviusunngortinnissaalu
  • KNI-mi kulturerineqartoq naleqartinneqartullu malinneqarnissaat qulakkeerlugu

Atorfinittussamut neqeroorutigaavut:

  • Piginnaasat naapertorlugit isumaqatigiissuteqarnikkut akissaateqartitaaneq
  • Atorfimmut atatillugu inissaqartitsisoqassaaq, tassungalu qularnaveeqqut, ineqarnermut akiliut, atuineq il.il. malitassat malillugit akilerneqartassapput
  • Sulilernissamut akiliunneqarluni angalaneq pisattallu nassiunneqarnerat

Atorfik pillugu paasisaqarnerorusukkuit nioqqutissanik nakkutilliinermi pisortaq Aage Hans Olsen attavigineqarsinnaavoq oqarasuaatikkut: 86 23 13 imaluunniit mail-ikkut: ahl@kani.gl

Qinnuteqaat
Qinnuteqaat, ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq tigoreersimassavarput kingusinnerpaamik ulloq 10. februar 2019.

Qinnuteqaat uunga nassiunneqassaaq: 
KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kani.gl

KNI A/S Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat. Suliffeqarfissuup niuernikkut tallimanik ingerlataqartup ukiumut 2.5 mia. kr. kaaviiaartitttar-pai.

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatissa-qartitsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mit-tarfeqarfitsigut nittartakkakkullu tuniniaanikkut.

KNI A/S pillugu paasisaqarnerorusukkuit  www.kni.gl -mut iserlutit paasisassarsiorsinnaavutit.  

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl