Retail Manager

Aqutsisutut atorfittaarusuppit Nunatsinnilu nioqquteqarnermi ingerlatsisut annersaanni qaffakkiartorusullutit? Taava maannakkut periarfissaqalerputit.

Pilersuisoq Sisimiuni Kiffartuussivimmi sulisussamik  nioqquteqarnermik ingerlatsinitsinnut angusa-qarusussusilimmik kajumissaarisinnaasumillu retail manager-issarsiorpoq, atorfigiligassannilu nunap immikkoortuini arfinilinni pisiniarfiit 64-it akisussaaffigissavatit kiisalu amerlasuukkaanik nioqqute-qarnermik ingerlatsivik aamma akisussaaffigissallugu. Nioqqutissanik pisiortortarnermi pisortaq, nunat immikkoortuini pisortat amerlasuukkaanillu nioqquteqarnermi pisortaq peqatigalugit Pilersuisup nioqquteqarnermik ingerlatsinermini tuniniaanera isertitaqarneralu pitsanngoriartikkiartussavatit.

Pilersuisup pisortaa qaninnertut pisortarissavat Pilersuisumilu aqutsisoqatigiinnut ilaassallutit.

Atorfik pillugu
Retail manager-itut nunat immikkoortuini pisortat kiisalu amerlasuukkaanik nioqquteqarnermi pisortaq aqutsisuuffigissavatit kiisalu pisiniarfiit/ingerlatat ingerlanneqarneri aqutsisuuffigissallugit. Illiussaaq aqutsinikkut sulisunik kajumissaarisuullutillu ineriartortitsisussaq, kiisalu sulisut naammagisimaarinnin-nerat suliinnarnissaallu pitsaanerpaamik isumagissallugu. Pisiniarfiit ingerlanneqarnerat pillugu nunat immikkoortuini/amerlasuukkaani nioqquteqarnermi pisortat, pisiniarfiit pisortaat niuertullu isumasio-qatigitillugit niuillaqqissutsit angusaqarumassutsillu atortassavatit. Ukiup ingerlanerani pisiniarfinnut alakkaallutit angalasarnissat naatsorsuutigissavat.

Makku aamma akisussaaffigissavatit:

  • Tuniniaanermi killiffissiornermilu ataatsimiinnerit
  • Suleriutsinik pitsaanerpaanik atuutsitsilernissami suleqataaneq
  • Pisiniarfeqariaatsinut, niuernerup ingerlanneqarneranut, iluanaarutinut, akissarsianik procentinngor-titsinermi, nioqqutissani tammaannartartunut igiinnarneqartartunullu tunngatillugu anguniagaqarfiul-luartumik isumasioqatiginnittarneq
  • Nunap immikkoortuani pisiniarfinnullu ataasiakkaanut tunngatillugu kisitsisinik najoqqutassanik, missingersuutinik sulianullu tunngatillugu malinnaaviginninneq
  • Killingusaami periusissiatta atuuttunngortinnissaa piviusunngortinnissaalu
  • KNI-mi kulturerineqartoq naleqartinneqartullu malinneqarnissaat qulakkeerlugu

Ilinnut tunngasut
Pisiniarfinni nioqquteqarnermi aqutsinermilu misilittagaqarluarputit pitsaasunillu angusaqarsinnaassu-seqarlutit takutittarnikuuat. Suleqateqallaqqissuunerpit attaveqallaqqissuunerpillu suleqatigiinnik eqqortunik inuttalersuisinnaatippaatit periusissiamillu piviusunngortitsisinnaatillutit. Tunisaqarnissaq aamma/imaluunniit aqutsineq immikkut ukkataralugit nioqquteqarnerup iluani qaffasinnerusumik ilinniagaqarputit. Ullumikkut tuniniaanermi pisortatut/nunap immikkoortuani pisortatut, pisiniarfimmi pisortatut, niuertarfissuarmi assigisaaniluunniit pisortatut atorfeqarputit ingerlariaqqinnissannullu piareeqqallutit.

Aamma naatsorsuutigaarput, illit:

  • Ajornanngippat nioqquteqarluni ingerlatsivinni assingusuni aqutsinermik ungasianiillu aqutsinermik qanimut misilittagaqarlutillu sunniuteqarluarsinnaasuunissat
  • Immikkuullarissumik niuerluarsinnaassuseqartutit paasisimasaqarfigalugulu
  • Akisussaassuseqarluartuusutit suliassanillu suliakkiutiginnissinnaasutit naammassinissaasalu tungaanut malinnaaviginnissinnaallutit
  • Ilungersuutiginnittartuusutit, assigiinngitsunut malussarissuusutit, iluatsitsinissamullu nukissaqar-luartutit piumassuseqartuusutillu
  • IT-mik atortunik atuillaqqissuusutit, ilaatigut office-pakken atorluartarlugu

Atorfinittussamut neqeroorutigaavut:

  • Piginnaasat naapertorlugit isumaqatigiissuteqarnikkut akissaateqartitaaneq orniginartoq
  • Soraarnerussutisiassat
  • Sulisunut inissiaq
  • Sulilernissamut suliunnaarnermilu akiliunneqarluni angalaneq
  • Sulinngiffeqarnermi akiliunneqarluni angalaneq
  • Peqqinnissamut sillimmasiineq

Atorfimmut soqutiginnillutit paasisaqarnerorusukkuit Pilersuisup pisortaa Niels Andersen attavigisinnaavat oqarasuaammut sianerlutit: +299 52 25 44 mailerfigaluguluunniit uunga: nan@kani.gl

Qinnuteqaat
Qinnuteqaat ilinniarsimanermut allattukkanik imalik (CV), aammalu misilitsissimanermi uppernarsaatit naleqquttut ilanngullugit tigoreersimassavavut kingusinnerpaamik ulloq 1. maj 2019.

Qinnuteqaat uunga nassiunneqassaaq: 

KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kani.gl

Atorfinitsitsinissamut atatillugu suliffigisimasavit sumut attavigineqarsinnaanerat pinerlussimannginner-mullu allagartamik piumaffigineqarlutit kingusinnerusukkut attavigineqassaatit.

KNI Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat. Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartittarpai.

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatissaqar-titsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mittar-feqarfitsigut nittartakkakkullu tuniniaanikkut.

KNI pillugu paasisaqarnerorusukkuit  www.kni.gl-imut iserlutit paasisassarsiorsinnaavutit.

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl