Kukkunersiuisoq

Nioqqutissarsiniartarnermik nassiussugalerinermillu misilittagaqarpit? Taamaappat Nunatsinni nioqqute-qarnermik ingerlatsisut annersaanni nioqqutissanik kukkunersiuisutut atorfininnissamut qinnuteqarnikkut sulilersinnaavutit.

Pilersuisup Sisimiuni kiffartuussivia nioqqutissarsiniarnermik nassiussugalerinermillu immikkoortortaqarfia kukkunersiuisussarsiorpoq ulloq 1. juli 2019 aallarnerfigalugu, imaluunniit isumaqatigiisuteqarnikkut sulilertussamik.

Kukkunersiuisup Pilersuisup pisiniarfii 64-it suleqatigalugit ilaatigut suliarisassavai nioqqutissat tikissi-manngitsut nakkutigissallugit.

Kukkunersiuisup qaninnertut pisortarissavaa nioqqutissanik kukkunersiuinermi pisortaq.

Kukkunersiuisutut pingaarnertut suliassatit makkuussapput:

  • Nioqqutissat tikissimanngitsut tiguneqartutut nalunaarnissaannik pappiarartaannillu nakkutilliineq
  • Nioqqutinik uninngasuutinik nakkutilliineq
  • Nassiussat nakkutigineqarneri naligiisitsisarnerlu
  • Akitsuutillit nalunaarutigisassat nakkutigineqarneri naligiisitsisarnerlu
  • Pisiniarfiit naatsorsuinerinik ikiuunneq
  • Atorfimmut atatillugu ukiup ingerlanerani angalasarnissaq.

Kukkunersiuisutut atorfinittussap makkua piginnaaneqarfigissagai piumasaqaatigaarput:

  • Nioqqutissarsiniartarnermik nassiussugalerinermillu misilittagaqarneq - ajornanngippat nioqquteqarnermik ingerlatsinerup iluani misilittagaqarneq iluaqutaassaaq piumasaqaataananili
  • Nioqqutissanut aalajangersimasunut akisussaasoq kiisalu nioqqutissanik suliaqarnermi nakkutilliisut pisortaannut isumasioqatigineqarsinnaaneq
  • Nammineersinnaassuseqarneq
  • IT-mi atugassanik ilisimasaqarneq, ajornanngippat Axapta aamma Microsoft Excel atornissaannut misilittagaqarneq
  • Ulluni ulapaarfinni aaqqissuulluakkamik sulisinnnaaneq ataatsimullu takunnissinnaaneq
  • Killingusaami periusissiatta atuuttunngortinnissaa piviusunngortinnissaalu
  • KNI-mi kulturerineqartoq naleqartinneqartullu malinneqarnissaat qulakkeerlugu.
Atorfinittussamut neqeroorutigaavut:
  • Piginnaasat naapertorlugit isumaqatigiissuteqarnikkut akissaateqartitaaneq
  • Sulilertussamut inissaqartitsisoqanngilaq.
Atorfik pillugu paasisaqarnerorusukkuit nioqqutissanik kukkunersiuinermi pisortaq Aage Hans Olsen attavigineqarsinnaavat oqarasuaatikkut: 86 23 13 imaluunniit mailikkut: ahl@kani.gl
 

Qinnuteqaat
Qinnuteqaat, ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq tigoreersimassavarput kingusinnerpaamik ulloq 23. maj 2019.

Qinnuteqaat uunga nassiunneqassaaq:

KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kani.gl

KNI Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat.  Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartittar-pai.

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatis-saqartitsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mittarfeqarfitsigut nittartakkakkullu tuniniaanikkut.

KNI pillugu paasisaqarnerorusukkuit www.kni.gl-mut iserlutit paasisassarsiorsinnaavutit.

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl