Allagarsiuteqqitaq - Nakkutilliisoq

Nioqqutissarsiniartarnermik nassiussugalerinermillu misilittagaqarpit? Taamaappat Nunatsinni nioqqute-qarnermik ingerlatsisut annersaanni nioqqutissanik nakkutilliisutut atorfininnissamut qinnuteqarnikkut sulilersinnaavutit.

Pilersuisup Sisimiuni kiffartuussivia nioqqutissarsiniarnermik nassiussugalerinermillu immikkoortortaqarfia ulloq 1. februar 2020 isumaqatigiissuteqarnikkulluunniit sulilersussamik nakkutilliisussarsiorpoq.

Nakkutilliisup nioqqutissarsiniartarnermik nassiussugalerinermilu suliassat soqutiginarluinnartut immik-koortoqarfimmi sulisut 22-t peqatigalugit suliarissavai.

Nakkutilliisup qaninnertut pisortarissavaa nassiussugalerinermi pisortaq.

Nakkutilliisutut pingaarnertut suliassatit makkuussapput:

  • Nassiussassanik tunniussivissat nalunaarsorsimaffiannik nutarsaasarneq
  • Nassiussassanik tunniussivissat nalunaarsorsimaffiannik misissuisarneq – kukkusoqarsimappallu noqqaasarfinnut ilisimatitsisarneq
  • Nioqqutissanik suli apuutinngitsunik misissuineq suliaqarnerlu
  • Nioqqutit suli apuutinngitsutut nalunaarsorsimasut apuussimasutut pisiniarfiit nalunaarsuinissaannik qulakkeerinninneq
  • Nassiussivissatut aqqutissanik ikkussuineq nutarterisarnerlu
  • Kisitsisinik tunngavissanik suliaqarnermi nassiussugalerisunut pisortap ikiornissaa
  • Nioqqutinut paasissutissanik ikkussuineq nutarterisarnerlu
  • Suliassat assigiinngitsut takkussuuttut

Nakkutilliisutut atorfinittussap makkua piginnaaneqarfigissagai piumasaqaatigaarput:

  • Nioqqutissarsiniartarnermik nassiussugalerinermillu misilittagaqarneq
  • Suleqatigiuminartuuneq
  • Nammineersinnaassuseqarneq
  • IT-mi atugassanik ilisimasaqarneq, ajornanngippat Axapta aamma Microsoft Excel atornissaannut misilittagaqarneq
  • Ulluni ulapaarfinni aaqqissuulluakkamik sulisinnaaneq ataatsimullu takunnissinnaaneq
  • Killingusaami periusissiatta atuuttunngortinnissaa piviusunngortinnissaalu
  • KNI-mi periuserineqartut naleqartinneqartullu malinneqarnissaat qulakkeerlugu
  • Oqaatsinik kalaallisut qallunaatullu atuisinnaasoq

Atorfinittussamut neqeroorutigaavut:

  • Piginnaasat naapertorlugit isumaqatigiissuteqarnikkut akissaateqartitaaneq
  • Atorfimmut atatillugu inissaqartitsisoqanngilaq

Atorfik pillugu paasisaqarnerorusukkuit nassiussugalerinermi pisortaq  Markus Falksen attavigineqarsin-naavoq oqarasuaatikkut.: 86 23 27 imaluunniit mail-ikkut  mfa@kani.gl

Qinnuteqaat
Qinnuteqaat sukumiisoq, ilinniarsimanermut siusinnerusukkullu sulisimanermut nalunaarsukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq, tigoreersimassa-varput kingusinnerpaamik ulloq 13. december 2019.

Qinnuteqaat uunga nassiunneqassaaq:

KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kani.gl

KNI A/S Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat. Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartittarpai.

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatissaqar-titsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mittar-feqarfitsigut nittartakkakkullu tuniniaanikkut. 

KNI pillugu paasisaqarnerorusukkuit www.kni.gl-mut iserlutit paasisassarsiorsinnaavutit. 

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl