Ikummatissamik orsigassanik ataqatigiissaarisoq 

Aningaasaqarnermik ilisimasaqarluarpit tuniniaallaqqillutit kiisalu nunatsinni sumiiffinni tamani ikumma-tissamik pilersuinerup qulakkeerinniffiginissaanut pingaaruteqarluinnarlutit suleqataarusukkuppit, taava atorfimmik pissanganartumik atorfissaqartippatsigit.

Polaroil tassaavoq pingaaruteqartuulluni KNI A/S-imut atasoq nunatsinnilu uuliamik pilersuisoq annersaat. Kalaallit Nunaat tamakkerlugu ukioq kaajallallugu atuisartunut avatangiisinullu naleqqussarsimasunik ikummatissanik imerpalasunik Polaroil pisiortortuuvoq, assartuisuulluni, toqqorsivinniititsisuulluni tunini-aasuullunilu. Gasolie, timmisartup orsussaa, petroleum aamma benzin tassani pingaarnertut pineqarput.

Atorfik

Atorfik nutaajuvoq kiisalu tekniskchef aamma logistikchef suleqatigissavatit. Takorluugaavoq ulluinnarni suliassanut ilinniartinneqarnissat suleqataanissallu, taamalu ilillutit piffissap ingerlanerani ikummatissanik pisiortornermi, nakkutilliinermi uninngasuutillu naatsorsorneqartarnissaannut akisussaasunngortikkiartu-aarneqarnissat.

Atorfinittussap tekniskchef qaninnertut pisortarissavaa.

Ikummatissamik orsigassanik ataqatigiissaarisutut suliassavit ilagissavaat:

  • Ikummatissat imerpalasut kilisaassuarnut, umiarsuarnut takornariartaatinut ujarassiortunullu ikummatissap tunisartakkatta 40 %-ia sinnerlugu pisiarisagaasa akissaanik aalajangiinissaq.
  • Missingersuusiorneq nioqqutinillu atuinermi naleqqussaaneq - nioqqutissarsiat uninngasuutillu naatsorsornerinik aqutsineq nakkutilliinerlu
  • Ikummatissanik imerpalasunik noqqaasarfinnut isumaqatigiissutit, nunatsinniit nunatsinnullu umiarsuit ikummatissamik assartuisartut, annertuumik ikummatissarsiniartartunut isumaqatigiissutit
  • Aningaasaqarnermik aqutsineq nakkutilliinerlu, nioqqutinik pitsaasuutitsineq, teknikkikkut atortulersuutit suliaqarfiullu iluani inatsisit
  • Ikummatissat imerpalasut assartornissaannut siammarterinissamilu suliassat  

Qanoq ittuunerit

  • Qinnuteqartoq piukkunnarluinnartoq ataatsikkut amerlasuunik takunnissinnaassuseqarpoq siammasissumillu ilinniagaqarluni kiisalu pisisartunik kiffartuussilluarnissaq pissusissami-suuginnartumik isigalugu
  • Nammineerluinnarlutit sulisinnaassaatit aammalu suleqatinik suleqateqarluarsinnaassallutit
  • Ulluinnarni sulinermi ulapilluni suliaqarfiusartumi toqqissisimallutit sulisinnaavutit kiisalu pitsaassuseq pisisartullu naammagisimaarinninnerat ajorseriartinngikkaluarlugu amerlasuunik ataatsikkut suliaqarsinnaallutit
  • Kiffartuussilluarumassuvutit, ammasuullutit piffissarlu suliffissaasup allanngorarsinnaanerani eqaatsumik naleqqussarfigisinnaallugu
  • Pisisartunik suleqatinillu peqateqarninni siumungaaq qanoq iliuuseqartartuuvutit, tatiginartuullutit tutsuiginartuullutillu
  • Atorfimmut atatillugu angalasariaqartarnissaq ilaavoq
  • Polaroilimi sulisut utoqqalisut ilaatigut nutaanik taarseriartuaarneqarnissaat siunertaralugu atorfik ilaatigut pilersinneqarpoq. Taamaattumik ikummatissamik orsigassanik ataqatigiissaarisutut ilinniartinneqareeruit Polaroilimi niuernermi ingerlatani akisussaaffinnik annertusiartuinnartunik akisussaaffeqaleriartornissat naatsorsuutigissavat. Allatut oqaatigalugu, ukiuni amerlanerusuni Polaroilimi sulinissat takorloorsinnaasariaqassavat.

Pisinnaasat

Atorfeqarnissamut piumasaqaatigaarput:

  • Aningaasaqarnermik ilisimasaqarluartutit
  • Tuniniaallaqqissutit tuniniaanermullu soqutigisaqartutit
  • Ajornanngippat aningaasaqarnerup, nassiussalerinerup, assartuinerup iluani imaluunniit tekniskinut tunngassutilinnik ilinniagaqarsimanissat
  • Polaroilip niuernikkut ingerlataasa iluani misilittagaqarsinnaavutit imaluunniit suliassat nassuiarneqartut iluini sulinermik misilittagaqarsinnaallutit
  • IT-qarnermik atuilluarsinnaasutit, tamatumani excel aamma aningaasaqarnermi aqutsinermi atortunik sungiussisimasutit, ajornanngippat AX aamma D-365 atorluarsinnaagitit
  • Atorfimmilu pisariaqartinneqartumik attaveqaqateqallaqqissuusutit.

Polaroilip neqeroorutigai:

  • Immikkut isumaqatigiissuteqarnikkut akissarsiassat atugassarititaasullu pitsaasut
  • Atorfinitsinneqanermut atatillugu malittarisassat atuuttut najoqqutaralugit ineqarnermut akiliutit allallu akilerneqartartussamik inissaqartitsisoqarsinnaavoq
  • Piginnaasanik pisarialinnik ineriartortitsinissamik periarfissat
  • Atorfik KNI-p Sisimiuni qitiusumik kiffartuussiviani inissisimavoq
  • Atorfik piaarnerpaamik imaluunniit isumaqatigiissuteqarnikkut inuttalerniarneqarpoq.    Soqutiginnippit?

 

              Atorfik pillugu apeqqutissaqaruit Senior Sales & Recruiter Niels
              Thomsen Flies-imeersoq oqarasuaammut
              uunga: +299 586636 / +45 5432 8408  imaluunniit niels@flaieshr.dk.
              attavigisinnaavat. 

Sulisussarsiorneq Flies HR-ip isumagisassaraa, taamaammat saaffiginninnerit tamarmik tassunga ingerla-teqquneqarput. Qinnuteqartut piukkunnartut oqaloqatigineqarnissamut aggersarneqartassapput.

Atorfik pillugu allanik apeqqutissaqaruit tekniskchef  Tage Lindegaard attavigisinnaavat uunga: mobil +299 521556 imaluunniit tal@kani.gl.

Tusarfiginissat qilanaaraarput.

Suliffeqarfik

       Polaroil pillugu allanik uani atuarsinnaavutit på www.kni.gl.

 

 

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl