FN-ip anguniagaata 17-iusuni KNI-p anguniagai tallimat

Anguniakkat tallimat uku uagut ingerlappagut:

fem-verdensmaal-630px.kl.jpg

 

Nr. 3 – Peqqinnissaq atugarissaarnerlu

Nunarsuaq tamakkerlugu anguniakkami nr. 3-mi anguniarneqarpoq peqqissuunissap atugarissaarnerullu qulakkeerneqarnissaa aammali ukioqatigiinngitsunut tamanut inuulluarneq siuarsassallugu.

Nerisassanik inuussutissanik amerlasuutigut pisiniarfituaasaratta pisisartut peqqissuunissaannut annertuumik akisussaaffeqarpugut, taamaattumik pisisartutta peqqinnartumik inuuneqarnissaat nerisaqarnissaallu assut pingaartipparput.

Sulisut peqqissuunissaat atugarissaarnissaallu aamma pingaartilluinnarparput ukiorlu tamaat timimik aalatitsinissaat aaqqissuussiffigisarlutigu kiisalu sulinerminni atugarissaarlutik pitsaasumik avatangiiseqaraangamik angusarissaartitsisarmata katersuutsittarlutigit allanillu atorluarsinnaasaannik neqeroorfigisarlutigit.

3.sundhed-250px-KL-01.png 

Nr. 4 – Ilinniagaqarneq pitsaasoq

Nunarsuaq tamakkerlugu anguniakkami nr. 4-mi anguniarneqarpoq ilinniagaqarsinnaanerup pitsaasuunissaa kikkullu tamarmik ilinniagaqarsinnaanerannut periarfissanik pilersitsinissaq.

Sulisuvut tassaapput isumalluutit pingaarnersaat. Sulisummi suliaqarnerisigut pitsaassuseq naammassisaqarsinnaassuserlu aatsaat pilersissinnaavavut, taamaattumik sulisut piginnaasaasa qaffassartuarneqarnissaat aaqqissuussaasumik sulissutigiuarparput, tamannalu angussavarput sulisutsinnik ineriartortitsinitsigut ilinniartitsinitsigullu, kisianni soorunami aamma nutaanik atorfinitsitsisarnitsigut.

Kalaallit inuusuttorpassuit ilinniagaqarnissaminnik aallartitsineq ajorput. Kalaallit amerlanerit ilinniagaqarnissaannut KNI suleqataavoq, taamalu ililluni inuiaqatigiinni nukittorsaanissaq tunniussaqaqataaffigisarlugu. Suliffeqarfitsinni sulisussarsiortilluta sumiiffinneersunik sulilersitsisarnissarput pingaartittuaannarparput, taamaattumik piginnaanernik ineriartortitsinissatsinnik aaqqissuussinikuuvugut taallutigu Taqqissuut. Nammineerluta sulisutta piginnaanerisa qaffarsarneqarnissaat pingaartilluinnagaraarput, taamammi iliornitsigut aalajaannerusunik qularnaannerusunillu sulisussaqartittarpaatigut.


 

4.uddannelse-250px-KL-01.png 

Nr. 8 – Suliaq naammaginartoq kiisalu aningaasarsiornikkut siuariartorneq

Nunarsuaq tamakkerlugu anguniagakkami 8-mi anguniarneqarpoq aningaasaqarnikkut ataavartumik patajaallisaanermik siuarsaaneq, tamakkiisumik naammassisaqarfiulluartumillu tunisassiorneq, taamatuttaaq kikkunnulluunniit pitsaasumik suliffissaqartitsineq.

KNI-mi politikkit ineriartorusussusillit siuarsassavavut, suliffinnik naammaginartunik ineriartornernillu pilersitsisunik. Sulisut pisinnaatitaaffii illersorneqassapput, suleqatigiinnut tamanut suliffiup avatangiisaata qularnaatsuunissaa aalaakkaasuunissaalu pingaartissavarput.


 

8.jobs-250px-KL-01.png 

Nr. 11 – Illoqarfiit inuiaqatigiillu atajuarsinnaasut

Nunarsuaq tamakkerlugu anguniakkami nr. 11-mi anguniarneqarpoq illoqarfiit, inuiaqatigiit najugaqarfiillu tamarmik peqataatinneqarnissaat, qularnaatsuunissaat, nukittuujunissaat atajuaannarnissaallu. Pitsaanerpaamik avatangiiseqarnissatsinnut tamatta akisussaaqataanissamut inuiaqatigiit sumiiffinni tamaniittut peqataatinneqassapput.

KNI Nunatsinni inuiaqatigiinni pingaaruteqarluinnartumik inissisimammat maligassiuisuunissarput, avatangiisitsinnik sapinngisamik innarliinnginnissarput piujuartitsinisamillu eqqarsarnissarput pingaaruteqarpoq.

 

Nr. 12 – Akisussaassumik atuineq tunisassiornerlu

Nunarsuaq tamakkerlugu anguniakkami nr. 12-imi anguniarneqarpoq piujuaannartitsisumik atuinissaq tunisassioriaaseqarnissarlu.

KNI-p anguniagaraa suliatsinni tamani piujuartitsilluta eqqarsartarnissarput.

Akisussaassuseqarnerusumik atuinitsigut avatangiisitsinnik sunniutikinnerunissaq anguniarlugu piujuartitsinissamut periusissiorpugut - aatsaammi taama iliornitsigut siunissami piujuartitsinissaq angusinnaavarput. Igitassanngortitsisarnerput minnerpaaffianiitissavarput, igitattakkavullu annertuut pinngortitap nammineq arrortissinnaassavai imaluunniit atoqqinneqarsinnaassallutik.

 
12.forbryg-250px-KL-01.png 

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl