Naalagaaffiit Peqatigiit anguniagaannik misissuineq pingaarnersiuinerlu

Naalagaaffiit Peqatigiiffiisa piujuaannartitsinissamut anguniagaat (Sustainable Development Goals) 2015 naalagaaffinni naalakkersuisuniillu siuttuiunik atuutsinneqalerpoq. Anguniakkat atuutsinneqalerput ulloq 1. januar 2016, anguniakkat 17-it taakkulu saniatigut anguniagassat 169-it.

KNI-p inuiaqatigiinni akisussaaqataanermini piujuartitsinissamillu suliaqartarnera Naalagaaffiit Peqatigiit nunarsuaq tamakkerlugu piujuartitsinissami ineriartortitsinissamilu anguniagaanit 17-iusunik pissusissamisuuginnartumik tunngaveqarpoq.

Nunarsuaq tamakkerlugu anguniakkat sorliit KNI-mut tulluarpat? pingaarnertut piginnaasat naleqartitallu tunngavigalugit.

Anguniakkat nunarsuaq tamakkerlugu 17-iusut tapersersorpavut, tamaattorli anguniakkat tamarmik toqqaannaq sunniuteqarfigisinnaanngilagut, taamaattumik suliffeqarfiup iluani pingaarnersiuisimavugut misissuillutalu anguniakkani sorliit sunniuteqarfiginerpaasinnaanerlugit.

Niuernermi, naleqarnerulsersitsisumik sulinermi naleqartitanillu suliaqarnermi Naalagaaffiit Peqatigiit Nunarsuaq tamakkerlugu anguniagaannit 17-iusunit tallimat immikkut suliniuteqarfigineqarnissaat KNI-mi aalajangerneqarnikuuvoq, sulinitsinnilu ulluinnarnilu inuiaqatigiinni pisariaqartinneqarnerpaat immikkut suliniuteqarfigalugit. Inuiaqatigiinni akisussaaqataanermi suleqatigiinni anguniakkat 17-iusut aaqqissuussaasumik misissoqqissaartarpagut, suliffeqarfitsinnullu tulluarnerit toqqartarlugit.

Pingaarnersiueriaaserput

Pingaarnersiueriaatsitsinni KNI-mi piujuaannartitsinissamut pingaarnertut toqqaasimavugut. Pingaarnersiueriaatsitsinni pingaarnertut nalaannerlunneqaataasinnaasut akisussaaffiillu aallaavittut atortarpagut, kiisalu inuiaqatigiinni, suliffeqarfimmi, avatangiiseq suleqatinullu periarfissat pingaartittarpagut.

Ataatungaani anguniakkat pingaarnerpaat ilusilersukkami skemami takuneqarsinnaapput.

 Nunarsuaq tamakkerlugu anguniakkanik misissuineq

Pingaarnersiunitsinni nunarsuaq tamakkerlugu anguniakkanik nalaannerlunneqaataasinnaasut akisussaaffillu naapertorlugit periuserput:

Inuiaqatigiinni akisussaaqataanermi suleqatigiinni anguniakkat 17-iusut aaqqissuussaasumik misissoqqissaartarpagut, suliffeqarfitsinnullu tulluarnerit toqqartarpagut. 

Nunarsuaq tamakkerlugu anguniakkanik misissuinerni qitiutinneqartarput pisisartut, sulisut imaluunniit noqqaasarfiit.

Qitiutitagullu pingasuusut misissuiffigigaangatsigit erseqqissisarpoq sukkut allannguuteqarnerpaasinnaanerluta.

Takussutissiami qulaaniittumi takuneqarsinnaavoq Naalagaaffiit Peqatigiit nunarsuaq tamakkerlugu anguniagaani tallimat KNI-p immikkut ukkanniarlugit aalajangiussimasai. 

Nunarsuaq tamakkerlugu anguniakkat

Anguniakkat 2030-p tungaanut annerusumik inunnut nunarsuatsinnullu inuuffigisatsinnut, piujuaannartitsinissamut ineriartortitsineq sammiveqartinneqassaaq.

Taamaattumik KNI piujuaannartitsinissamut tunngavilimmik periusissiornera pissusissamisuuginnarpoq, Naalagaaffiit Peqatigiit nunarsuaq tamakkerlugu piujuaannartitsinermut ineriartortitsinissaanut anguniagaat 17-it tunngavigalugit. Nunarsuaq tamakkerlugu anguniakkat suleqataaffigineranni KNI-p suliaqarfigisami piginnaaneqarfigisamilu iluani pingaarnersiuilluni ingerlatsivoq kiisalu inuiaqatigiinni pisariaqartinneqarnerpaat suliniuteqarfigisarlugit.

Takussutissiami qulaaniittumi takuneqarsinnaavoq Naalagaaffiit Peqatigiit nunarsuaq tamakkerlugu anguniagaanni sisamat KNI-p immikkut suliniuteqarfiginiarlugit aalajangiussimavai. Nunarsuaq tamakkerlugu anguniakkani KNI-p suliniutai immikkoortuni tullinnguuttuni nassuiarneqarput.