Qinnuteqannginnerni uku atuaqqaaqquagut


Qinnuteqaatit qaqugukkut suliarineqartarpat?

Aningaasaliiffigineqarnissamik qinnuteqaatit ukiumut sisamariarluni ulluni ukunani suliarineqartarput: 

  • 1. marts
  • 1. juni
  • 1. september
  • 1. december

Qinnuteqaat tigoreersimassavarput kingusinnerpaamik:

  • 15. februar
  • 15. maj
  • 15. august
  • 15. november

Suut aningaasaliiffigineq ajorpagut?

  • Nuna tamakkerlugu timersornikkut unammersuarnernut peqataanerit
  • Atuartut/ilinniartut paasisassarsiorlutik angalaneri
  • Festival-it
  • Naalakkersuinikkut kattuffeqarnikkullu ingerlatat
  • Inunnut ataasiakkaanut aningaasanik tunisinerit¬†
  • Ikummatissaq

Suut tapiiffigisarpagut?

Malugiuk aningaasaliineq pisinnaammat makkununnga:

  • Suliniutit KNI A/S-ip ersarinnerulerneranik malitseqartut aammalu suliffeqarfissuup inuiaqatigiinni, kulturikkut timersornikkullu uummaarissumik peqataasutut akisussaaqataasutullu isigineqarnissamik kissaateqarneranut iluaqutaasut.
  • Suliniutit KNI A/S-ip anguniagaanut, siunnerfianut naleqartitaanullu naapertuuttut.¬†
  • Tapiiffigineqartilluni KNI A/S-ip qanoq nittarsaanneqarnissaanik imalimmik pilersaarutitallit.

Kaammattussavatsigit qinnuteqaativit nassiutinnginnerani KNI A/S-ip anguniagaa, siunnerfia kiisalu qinnuteqaatinut tunngatillugu periaasia qanoq ittuunersut atuarluaqqullugit.


Qinnuteqaatinnut piumasaqaatit

Qinnuteqaativit nittartakkakkut immersornerani immersugassartai tamaasa immersussavatit. Taamaaliunngikkuit immersugassaq nassiussinnaanngilaq. Aamma pingaaruteqarpoq qinnuteqaatinni ilanngutissallugu aningaasaliiffigitissaguit KNI A/S avammut nittarsaatissallugu qanoq pilersaaruteqarnersutit.

Qinnuteqaatit makkuninnga pinngitsoorani imaqassaaq:

  • Nassitsisoq qanorlu attaveqarfigineqarsinnaanersoq (ateq, najugaq, tlf.nr. & email)
  • Suna qinnuteqaatiginerlugu erseqqissumik allaaserisaq
  • Pilersaarutivit siunertavilluunniit naatsumik allaaserinera
  • Isertitassatut aningaasartuutissatullu missingersuut tamakkiisoq
  • Aningaasaliiffigineqarnernut atatillugu KNI A/S-ip qanoq nittarsaannissaanik allaaserisaq
  • Aningaasaliissutaasut qaqugu atorneqarnissaat - piffissaq ullorlu
  • Aningaasaliiffigineqarnerat kingorna qanoq malitseqartinniarnerat pillugu nassuiaat

Malugiuk; missingersuut pinngitsoorani ilaassammat.


Qinnuteqaat sumut nassiutissavara?

Qinnuteqaat qarasaasiakkut immersorneqarluni tassuunakkoorlugu nassiunneqassaaq. Qinnuteqaatit allakkerisarfikkut allatigulluunniit nassiussat suliarineqartassanngillat.

Immersugassaq nittartakkamiittoq tassaniitillugu immersorneqassaaq naammassigukkulu nassiullugu. Qinnuteqartup nammineq akisussaaffigivaa piumasaqaataasut tamaasa ilanngussimanissaat.

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl