KNI A/S-ip aningaasaliiffigisartagai

Nioqqutissanik ikummatissanillu imerpalasunik nuna tamakkerlugu pilersuineq KNI A/S-ip isumagisaraa. Taamatut inuiaqatigiinni suliffeqarfissuup inissisimanera tulluussimaarutigaarput, suliassattalu annertuumik akisussaaffiliinera ilisimaarilluarparput. Nunap siammaseqisup ataqatigiissinnerata saniatigut ingerlatat assigiinngitsut nunatsinnullu iluaqutaasut peqataaffigisarsimavagut peqataaffigalugillu.

KNI A/S-ip aalajangerpaa ukkatarissallugit isumaginninnermut, kulturimut timmersornermullu tunngassuteqartut. Taakku saniatigut aamma peqataaffigisarpagut suliniutit pisussallu assigiinngitsut ataasiakkaat ukkatariniakkatsinnut attuumassuteqarnerat aallaavigalugu.

Aalajangersimasumik aningaasaliiffigineqartartut 


arctic sports Qaarsut 03012017 3.jpg KNI A/S aamma Arctic Sports Qaarsut piffissami 1. januar 2017-imiit 31. december 2019-imut atuuttussamik pingaarnertut aningaasaliisuunissaq isumaqatigiissutigaat. 

Isumaqatigiissummi siunertarineqarpoq Issittumi Pinnguaatinik ASQ-ip ineriartortitsinerata tapersersorneqarnissaa, taamaalilluni pikkorivillutik unammisartut akornanni ASQ peqataajuaannaqqullugu kiisalu issittumi pinnguaatinik amerlasuut ingerlartsineranni kiisalu inuusuttut/meeqqat ineriartortinneqarnissaanni suliniuteqartuaqqullugu.


 Nagdlunguak.jpgKNI A/S aamma Nagdlúnguak´ 1948 (N-48) pingaarnertut aningaasaliisuunissamut isumaqatigiissuteqarput ukiunut arlalinnut atuuttussamik. Isumaqatigiissuteqarnerup siunertaraa timersuutit makku ingerlanneqarneranni N-48-p inerisaanerata tapersersuinissaq: 

  • Assammik arsarneq
  • Isikkamik arsarneq/Futsal
  • Nerrivimmi arsaararneq
  • Issittumi timersuutit

Taamaasilluni nunatsinni pikkorissut akornanni N-48-up inissisimajuarnissaa ingerlatiinnaqqullugu iluatigalugulu amerlasuut peqataaffigisinnaasaannik aammalu inuusuttut meeqqallu timersornerinik inerisaanerminnik ingerlatsiinnaqqullugit. 


KNI_logo.jpg Ukioq naatsorsuiffiusoq 2015/2016 aallarnerfigalugu KNI A/S-imi sulisut 1000-t missaanniittut periarfissaqalerput qitornamik efterskolerniarnerannut AFS -iluunniit aqqutigalugu nunanut allanut atuariartorniarnerannut ilaannakortumik tamakkiisumilluunniit tapiiffigineqarnissaminnut qinnuteqarnissamut. Ukiumi naatsorsuiffiusumi immikkoortinneqarput efterskolerniarlutik kiisalu AFS aqqutigalugu nunanut allanut atuariartorniarnermut atatillugu qinnuteqartunut atugassiat aningaasat. 

Pisortaaneq Peter Grønvold Samuelsen:
- Taamatut iliorpugut pissutigalugu inuusuttut tassaammata KNI A/S-ip siunissami atorfissaqartilluinnaqqissaagassai. Suliffeqarfiup siunissamini pisariaqartitaanut inuusuttut avaqqunneqarsinnaanngillat, taakkununnga ilaapput inuusuttut avatitsinni najugaqarlutik misilissimasut taamalu nunatta avataani pisunik malinnaasut. 


acr_logo-kopi_ 100x100.jpgArctic Circle Racep ingerlanneqartarnerani aningaasaliisartunut pingaarnernut KNI A/S ukiorpaalunni ilaavoq.  Arctic Circle Race-imut pingaarnertut aningaasaleeqataasutut tulluussimaarutigaarput piumassutsiminnik suleqataasarnerup siuarsaaqataaffiginera pikkorissullu ineriartornermikkut Kalaallit Nunaata nunanut allanut nittarsaannissaanut periarfissaqarnerulertarmata.  


dimins-ilimmarf-15-630p100x100.jpgIlimmarfimmi ilinniartumut agguaqatigiissillugu qaffasinnerpaamik karakteqarnermigut angusaqarsimasumut KNI A/S ukiut tamaasa kajumissaasiisarpoq 5.000 kroninik aningaasartalimmik. Ilinniagaqarneq nunatta ineriartorneranut siuarsaataavoq pingaarutilik, tamannarpiarlu pissutigalugu ilinniagaqarnissamut ilinniaqqinnissamullu kaammattuiuarnissani KNI A/S-ip pingaartitaraa. 


KNQK 100x100.jpgAvannaata Qimussersuanut ukiumoortumik aalajangersimasumik aningaasaliisarnermigut KNI A/S-ip tulluussimaarutigaa oqaluttuarisaanitsinni pingaarutilerujussuarmut tapersersueqataasinnaagami. Qimusserneq Avannaani Tunumilu nunaqarfinni illoqarfinnilu inussutissarsiornermi suli pingaarutilerujussuuvoq. 


neriuffik-logo_19268a 100x100.jpgKNI A/S-imut pingaaruteqarpoq suliniaqatigiiffiup tapersersornissaa taamaattumillu taanna ukiumut aningaasanik aalajangersimasunik tapiiffigineqartartunut ilaavoq. Ajoraluartumik akornatsinni amerlasuut nappaammik imaannaanngitsumik ilaatigullu inuunermik ulorianartorsiortitsisumik eqqorneqartarput. Eqqorneqartut pillugit ikiuiniarnissamik siunertaqarluni suliniaqatigiiffiup sulineranut suliffeqarfissuup aningaasaliisarnermigut neriuutigaa eqqorneqartut ulluinnarni inuuniarnerat oqinnerulaalersinnaasoq.


 

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl