Dunkit 116.339-it pinngortitamiit peerneqarput

Texaco dunkit 116.339-init ikinnerunngitsut Polaroilip dunkinik utertitsisitsisalernerani novembarimi 2019-imi aallartittumi maannamut katersorneqarsimapput. Maannalu nuna tamakkerlugu dunkinik utertitsilluni unammisitsineq ingerlanneqaqqammerpoq, tassanilu Kangerluk ajugaasuuvoq taamaasillunilu kaffilleriartorfigineqarluni.

Polaroilip utertitsilluni unammisitsinera 1. oktober naammassivoq, tallimanngormallu 15. oktober piffik ajugaasoq tusarliunneqarpoq: nunaqarfik Kangerluk. Illoqarfiit nunaqarfiillu unammisitsinermi peqataapput, piffillu ajugaasoq – inuttussuseq malillugu utertitsinerpaat akornanni nassaarineqartoq – Pilersuisoq Kangerlummi kaffillerfigineqarpoq, tassanilu Facebookkerput aqqutigalugu toqqaannartumik aallakaatitsivugut.

Dunkit 116.339-it utertinneqareersimalerput. Dunkerpassuupput, Polaroilillu pisortaata Githa Brask Olsenip dunkit taamak amerlatigisut uteqqissimanerat assut nuannaarutigaa.

- Tulluusimaartorujussuuvugut inuppassuit sumiiffippassuarneersut unammisitsinermi peqataasimammata utertitsisarnerlu tigulluarmassuk. Tamaavissi pingortitamut mianerinneqataavusi. Tamassinnut qujarusuppugut neriuppungalu unammisitsineq naammassigaluartoq suli dunkinik utertitsisarumaartusi, Githa Brask Olsen oqarpoq.

Unammisitsinermi maanna naammassigaluartoq utertitsineq suli 3 koruuninnassutaasassaaq, KNI A/S-illu dunkinik utertitsillutik peqataasut tamaasa qutsavigai, pinngortitarpummi kusanartoq taamaasillusi aamma ikiorparsi.

Kangerluk-katersilluarnerpaaq-630px-02.jpg
Pilersuisoq Kangerlummi kaffillerneq.

Kangerluk-katersilluarnerpaaq-630px-03.jpg
Avatannguaq Simonsen, sunngiffimmi pinialuttartoq dunkinik katersisarpoq, puussiarlu ulikkaaraangamiuk Polaroil Sisimiuniittumut utertittarpai.

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl