KNI A/S “Pilersuisoq” Arctic Sports Qaarsut-nut pingaarnertut aningaasaliisunngorpoq

IMG_0530 630x250.jpg


Sponsoritut isumaqatigiissut atsiorneqarpoq ataasinngornermi 30. januar 2017 Qaarsuni, atsiortoralugit peqatigiiffiup siulittaasua Paornanguaq Kruse KNI A/S-imilu pisortaaneq Peter Grønvold Samuelsen.

Isumaqatigiissuteqarnermi siunertaavoq Issittumi pinnguaatinik Qaarsuni peqatigiiffiup ineriartortitsinerata tapersersorneqarnissaa, taamaalilluni pikkorivillutik unammisartut akornanni Arctic Sports Qaarsut peqataajuaannaqqullugu, kiisalu issittumi pinnguaatinik amerlasuut ingerlatsineranni, kiisalu inuusuttut/meeqqat ineriartortinneqarnissaanni suliniuteqartuaqqullugu.

KNI A/S-imi pisortaaneq, Peter Grønvod Samuelsen:

-        Tulluusimaarnartuuvoq Issittormiut pinnguaataanni Qaarsuni peqatigiiffik Kalaallit Nunaanni pissartaasoq KNI A/S-imit – Pilersuisumit – aningaasalersorsinnaaleratsigu. Inuit Issittormioqatittalu allat akornanni pinnguaatit maani Nunatsinni ilisarisimaneqarnerulerlutillu ukkanneqalernissaat, Qaarsumi timersortartut pikkorissut aqqutigalugit peqataaffigileratsigu nuannaarutigaara.

KNI A/S-ip aamma Arctic Sports Qaarsut akornanni isumaqatigiissut ukiut pingasunut atuutissaaq. Imarivai atisat timersuutit, timersuutinut taskit, allarutit, imerfiit ass. peqatigiiffiup ilaasortaanut tamanut, kiisalu ukiumut 25.000 kronit. 

Arctic Sports Greenland-ip aaqqissugaanik Kalaallit Nunaanni pissartanngorniunnerit ingerlanneqassapput 14-18. marts 2017, Ilulissani.

IMG_0531 630x250.jpg


 

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl