Ikummatissaasivilerisunngorniartut Danmarkimi Sverige-milu paasisassarsiortut

KNI-p iluani ilinniartitaaneq nutaaq IKUMMATISSAASIVILERISUNNGORNIARNEQ apriilimi aallartinneqarpoq. Immikkoortoq siulleq Sisimiuni 9-19. april 2018 ingerlanneqareerpoq, mannalu ulluni makkunani ilinniartitaanerup immikkoortuata aappaa Danmarkimi Sverige-milu ingerlanneqarpoq.

Ikummatissaasivilerisunngorniarnerup immikkoortuata aappaa 11-18. maj 2018 ingerlanneqarpoq. Ilinniartitaanerup immikkoortuata pingajuat naggataallu ukiamut Sisimiuni ingerlanneqassaaq.

Ikummatissaasivilerisunngorniarneq ullumikkut ikummatissaasivilerisutut atorfeqaraluartunulluunniit sammititaavoq, ilinniartitaanerlu siunissami KNI-p iluani ingerlaavartussatut takorloorneqarpoq.

Atuaqatigiit siulliit quliupput, tassaallutik: Jens S. Christoffersen, Assassaq Gedionsen, Jafet Rosing, Roberth Juliussen, Niels-Peter Petersen, Hans Johansen, Gerth Jack Storer, René Lyberth Møller, Leif Jensen aamma Finn Løvstrøm.

Angalanermi matumani peqataapputtaaq Dorthea Isaksen, Sikkersoq Møller, Paulus Lyberth aamma Tage Lindegaard.

Ikummatissaasivilerisunngorniarnerup immikkoortuata aappaa siullertulli imartoqaaq, tassa ikummatissaasivinni lagerhåndbog aamma Driftsinstruktion itisilerneqarput, isumannaallisaanermut tunngassuteqartut tankersuillu salinneqartarnerinut tunngasut.

Sverige-mi Göteborg-imi Preem-ip uuliamik akuiaavissua paasisassarsiorfigineqarpoq. IIS-ip laboratoriiaa aamma Göteborg-imiittoq orninneqarportaaq.

Danmarkmi suleqatigisat Umiarsuaatileqatigiit Simonsen-ikkut, Maersk Broker, Malik Supply aamma Kosan Gas ilitsersuisoralugit ilinniartitsineq ingerlanneqarpoq, ilaatigut suliffeqarfiit ornittarlugit. Force, Bureau Veritas, Uno X, ADR, Marstal Navigationsskole aamma Ommen & Moller ilinniartitsinermi peqataapput. Københavnimi ikummatissaasivipiluunersuaq Oil tanking pulaarneqarpoq.

 

Ikummatissaasivilerisunngorniat-7.jpg

 

Ikummatissaasivilerisunngorniat-6.jpg
Gentofte Hotel-imi atuartitsinerup ilaa ingerlanneqarpoq.

 

Ikummatissaasivilerisunngorniat-3.jpg

Sisimiuni Polaroil-ip ikummatissaasiviani ikiorti Jafet Rosing:
"Torrageqaara suliffeqarfiit ornillugit suliaannik paasisassarsiorfigineri; taamaasilluni uannut assut paasisaqarnarpoq."

Polaroil-imi driftchef Gerth Jack Storer:
"Siullermik uanga nammineerlunga misigisimavunga assigiinngitsunik assut pissarsiaqarlunga Nunatta avataani suliffeqarfiit suleqatigisagut tikillugit paasisassarsiorfiginerinit, nassuiaatigineqartut aammalu nammineq isimik takunerinik annerusumillusooq pissarsiaqarfiupput. Soorlu uagut suliffeqarfitsinni aamma ulluinnarni ingerlatsinermik ilaatigut atorsinnaasatsinnik isumassarsiaqarfigaakka."

KNI-p immikkoortortaani HRD-mi, tassa sulisunik piginnaanngorsaaneq pillugu suliaqartut ningiuat angalaqataasoq Dorthea Isaksen:
"Uanga isumaqarpunga suliffeqarfiit ornitagut ilinniakkamut pingaaruteqartorujussuusut, pingaartumik nutaqqanut. Suliffeqarfinnit paasisat tassaammata oliap niaqqutissiarineqalinnginnermini aqqusaartagai takorloorsimanngisagut, suliaq annertooq. Saqqummiusseqattaartut tulleriissarneri aamma assut torraapput, takorlooruminartitsillutillu."

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl