KNI A/S-p Arctic Circle Race-mut pingaarnertut aningaasaliisarnini sivittorpaa

Ullumi KNI A/S-ip Sisimiuni Kiffartuussiviani naapinnermi ACR-ip siulittaasua nuannaartoq KNI A/S-illu pisortaanera nuannaartoq suleqatigiinnissamik atsioqatigiipput. Atsioqatigiissutigalugu KNI A/S-ip Arctic Circle Race-mut pingaarnertut aningaasalersuisooqataaneranut isumaqatigiissutip sivittorneqarnera 2018 aamma 2019-imut atuuttussamik.

2018-imi aningaasaliissutigineqassapput Kr. 250.000 taamatullu aamma Kr. 250.000 aningaasaliissutigineqarumaarlutik 2019-imi.

"Nunatsinni aaqqissuussinerit kusanartut tulluusimaarutissaasullu ilagilluinnarpaat ACR. Piumassusertik aallaavigalugu ikiuuttartorpassuit aaqqissuussineq piviusunngortittarpaat, tamannalu inuiaqatigiittut perruualaarutigisariaqarparput. ACR aaqqissuussineruvoq issittumi pinngortitarsuarmik kusanassutsiminik asseqanngiusartoq, avatitsinnilu kusanartumik tusaamaneqalersarnitsinnut pissutaaqataalluinnartartoq. Inissaminiippoq aaqqissuussinerit taama ittut unammilligassarpassuaqartartut, inuiaqatigiinnulli aningaasanngorlugit nalilerneqarsinnaanngitsut, suliffeqarfinnit KNI-tut ittunit tapersersorneqartarnissaat." ilaatigut KNI-mi pisortaaneq Peter Grønvold Samuelsen taama oqarpoq.

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl