KNI kajumissaasiivoq

Ukiut tamaasa KNI Ilisimatusarfimmi bacheloritut soraarummeertut akornanni agguaqatigiisillugu karakteriginnerpaamut kajumissaasiisarpoq, ukioq mannalu atuartut naammassisut marluk agguaqatigiisillugu karakterii assigeeqqissaarmata tamarmik immikkut 5.000 koruuninik kajumissaaserneqarput.

KNI-mut ilinniartitaaneq pingaarutilerujussuuvoq. Ilinniagaqarneq siumukarnermut aqqutissaavoq.

Inuiaqatigiinnilu atugarissaarnerulersitsisinnaavoq. Ilinniartitaaneq inuiaqatigiinni naleqarnerulersitsisarpoq, tamannalu tamatsinnut iluaqutaasussaavoq, ilinniagaq suugaluarpalluunniit.

KNI taamatut nersornaasiisarpoq takutikkumagatsigu ilinniartoq angusarissaartoq tapersersoripput.

Tamaviaaraannilu angusarissaartoqarsinnaasoq.

Ilisimatusarfimmi ukioq manna agguaqatigiisillugu karakteriginnerpaat marluk, Christina Herlufsen Geisler (saamerlermiittoq) aamma Tukummeq J. Hansen, KNI-mi siulersuisuni siulittaasumit, Svend Hardenbergimit, kajumissaaserneqarput.

KNI-mit ilinniakkaminnik naammassinnittut tamaasa pilluaqqungaarpagut :)

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl