KNI A/S kajumissaasiivoq

KNI-p pisarneq malillugu Ilisimatusarfimmi tallimanngormat 24. februar 2023 bachelorinngortut akornanni karakteriginnerpaaq kajumissaaserpaa.

Ilinniartitaaneq inuiaqatigiinni naleqarnerulersitsisarpoq siumullu aqqutissaalluni. Tamannalu tamatsinnut iluaqutaasussaavoq. Taamaattumik KNI ilinniartumut angusarissaartumut takutitsilluartumullu ukiut tamaasa nersornaasiisarpoq.

Ilisimatusarfimmi bachelorinngortoq Dorthe Berthelsen Kristensen ukioq manna agguaqatigiisillugu karakteriginnerpaavoq, taannalu suleqatitsinnit Angutimmarik Langemit 5.000 koruuninik kajumissaaserneqarpoq.

Dorthe ilinniakkaminnillu naammassinnittut tamaasa pilluaqqungaarpagut :)