KNI-mi suleqat nuannarineqarluartoq saqqarmiulerneqartoq

Novembarip 17-iani 2017, KNI-p ataqqinartorsuup Dronningip nersornaasiuttagaanik Fortjenstme-daljemik sølviusumik suleqat nuannarineqarluartoq, Karl Petersen saqqarmiulerneqarpoq.

KGH-mi KNI-milu ukiuni 40-ni sullissilluarsimasoq, sølvimik saqqarmiulerneqarpoq nalliuttorsiu-laarnertalimmik.

Karl Petersen KGH-mi KNI-milu 8. november 2017 sulinermini ukiunik 40-runngortorsiorpoq, ullu-milu Niaqornaarsummi saqqarmiulerneqarluni.

KNI-mi pisortaanerup Peter Grønvold Samuelsen-ip Karl Petersenimut nersornaammik saqqar-miuliisuuvoq.

Tarajorterivimmiit allaffimmut
Tarajorterivimmi aqutsisoq, niuertoq allaffimmiorlu. Tassa tamakku Karl Petersen-ip KGH-mi KNI-imilu ukiuni 40-ni sulinermini aqqusaarsimasai.

Oqaatigineqartutut Karl Petersen-ip KNI-mi atorfeqarnini Niaqornaarsummi tarajorterivimmi aqu-tsisutut aallarnersimavaa 1976-imi. 1980-imi allaffimmut nuutsitaavoq qallunaatut piginnaasaqar-tuummat. Ukiut marluk allaffimmi sulereerluni ukioq 1982-mi niivertorutsitut ilinniarluni aallartip-poq Niaqornaarsummi, ukiullu tulliani Kitsissuarsummut nuutsinneqarluni. Ukioq 1984-mi ilinniak-kani naammassivaa ukiullu tulliani Niaqornaarsummut aatsaat angerlarluni. 1985-mili Kaali Nia-qornaarsummi allaffimmiutut sulilerpoq.

Karl Petersen suliffimminut pingaartitsisuuvoq, ikiuukkumatuujulluni, piginnaasaqarluartuullunilu. Allaffimmi sulinermi saniatigut Pisiniarfimmi ikiuuttarpoq, silami ikummatissaasivimmiittarpoq, quinilu aamma ikiortaasarpoq, qerititsiveqarfimmilu torersaajuartuusarluni.

Kaali inuttut ilisarnaataasa ilagilluinnarpaat qiimasuunini quiasaartuuninilu, ullut tamarluinnaasa ullormut arlaleriarluni suleqatini qungujutsittuaannartarpai  illartittuartarlugillu.

Karl Petersen ilaqutaalu nersornaaserneqarnerani KNI A/S-imit pilluaqquarput.

Karl-Petersen-web1.jpg

Karl-Petersen-web2.jpg

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl