Qaanaami katersuiniarneq KNI A/S-ip tapersersorpaa

Decemberi aallartisimalersoq Qaanaami anorersuarujussuarpoq ulussaarsuarluni. Taamaannerata ilaqutariippassuit eqqorpai, pingaartumillu piniartukkormiut, tassami juullip tungaanut piniartut inuuniutiminnik ingerlatsisinnaanerat innarlerneqarpoq tamannalu aningaasaqarnerannut annertuumik eqquivoq.

Katersuiniarneq Qaanaami namminneq piumassutsiminnik suliniartut aallartitaat KNI A/S-ip taperserpaa.

Aaqqissuussinermut arfininngorneq 17. december ingerlanneqartussamut tunniunneqassapput:

  • KNI A/S POLAROIL-imiit 3x100 liter gasolie.
  • Karsit 20-t, inuussutissanik assigiinngitsunik karsimut ataatsimut 1.000 kroninik nalilinnik imaqartut. Nioqqutissanik piniartarfigut TULIP, DANISH CROWN, ARLA aamma GAIA tunniussinermut tassunga peqataapput.
  • Taassuma saniatigut KNI A/S Pilersuisup tunniutissavai sioraasat, kaffit, tiit kiisalu ataasiarluni atortakkat tiitorfiit assigisaallu atorfissaqartinneqartut naapertorlugit amerlassusillit. 

Katersuiniarnissamut arfininngorneq 17. December 2016 ingerlanneqartussamut aaqqissuisunut karsit 20-it nerisassanik imallit KNI A/S Pilersuisumiit sisamanngorneq 15. December 2016 tunniunneqarput.

Saamiatungaaniit:
Arruttaq Qujaukitsoq, Larsigne Kvist (Pilersuisoq Qaanaaq), Mikivssuk Thomassen, Mathæus U Johansen aamma/og Rasmus Avike. 

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl