Niviaq Lennert Kleist.JPG

Ataqatigiissaarisutut atorfinittoq

Risk Manager Niviaq Lennert Kleist (34) 15. januar 2016 aallarnerfigalugu Direktionskoordinator-titut atorfinippoq. Taamaasilluni pisortaanermut qanilluinnarluni sulissaaq, taannalu qaninnertut pisortarissallugu.

Suliassanut pisortaanerup akisussaaffigisaanut amerlasuunut atatillugu, taakku ilagalugit periusissianik ineriartortitsineq taakkuninngalu piviusunngortitsineq, Niviaq Lennert Kleist pingaarutilimmik inissisimassaaq.

Projektitut ingerlatat ilaat suliffeqarfissuup ingerlataanut immikkoortunut tunngassuteqassapput allalli tamanut attuumassuteqartassallutik.

Niviap pingaarnertut suliarissavai:

  • Pisortaaneq suliffeqarfimmi immini qanimut suleqatigissallugu.
  • Projektitut ingerlatat aquttarnissaat, projektinut atatillugu allakkiat suliarisarnissaat, suliassatut pilersaarutit suliarisarnissaat suliniutillu aallartitat piviusunngortittarnissaat. 
  • Suliffeqarfik akimorlugu suliniutit ataqatigiissartarnissaat.
  • Pisisartunut, niuerfinnut, pisiassanut, akinut il.il. sammititanik nalilersuinerit aalajangiinissamilu tunngavissat suliarisarnissaat.
  • Niuertarfinnik aqutsineq pingaarnerusutigut eqqarsaatigalugu ingerlatsinermi periuutsit suli pitsaanerulersinnaannik suliaqarneq.
  • Pisortaqatigiit ataatsimiinnissaannut piareersarneq aggersaanerlu kiisalu imaqarniliortuuneq.
  • Pisortaanermut allatsip suliaasa ataqatigiissarnissaannut akisussaasuuneq, soorlu billetsinik bestiiliinermut, siulersuisut ataatsimiinnissaasa piareersarnerannut, ataatsimiiffissat piareersarnerannut, kiisalu ataveqatigiinnermut atatillugu intranetimut, nittartakkamut, facebookimut il.il. tunngasunut akuuneq. 
  • Pisortaanermut allatip allatigut suliassaasa ataqatigiissarnerat, soorlu saaffiginnittarfiup/telefonikkut saaffiginnittut assigisaasalu akisussaaffiginerat.

Atorfik Niviap ineriartorfigisassaa unammillernartoq pineqarpoq, isumaqatigiissutaavorlu suliariligassat nutaat isumaginerat ilutigalugu aqutsinermik ilinniassasoq minnerpaamik HD-p nalinganik, tamannalu ungasianiit ilinniarnertut ingerlanneqassasoq.

Pisortaaneq Peter Grønvold Samuelsen:

- Atorfinitsitsineq uanga kissaatigisannut naapertuuppoq, tassalu inussuttut atorfimminni qaffakkiartorusuttut saqqummissasut taakkulu ilinniartissagigut. Nuannaarutigaara aningaasaqarnermut immikkoortortama, naatsorsuuserinermut pisortap kiisalu Treasury Chefip taamatut atorfinitsitsineq tamarmik tapersersormassuk, peqataajumammatalu qaffasissumik inissisimasumik Niviaq isummersorneqartassammat suleqatigineqarlunilu. Aamma taamaappoq eqqarsaatigalugu Niviap annertuumik nammineq tunniussaqassammat ulluinnarni aalajangigassatsinnut tunngavissanik pitsaalluinnartunik tunniussisarnissamut piumasaqaatit nammassiniarneranni. 

Niviaq Lennert Kleist:

- Akisussaaffik annertooq pissanganartorlu atorfigilissallugu piareersimaffigaara qilanaaralugulu. Ukiut qulit matuma siorna Akademi merkonomitut ilinniakkamik aallartinninnut atatillugu KNI-mi praktikkerpunga, ullumannalu tikillugu KNI-mi suligama misigisimavunga tunngaviatigut KNI pillugu ilisimasassakka pigilereersimallugit.


Niviaq Lennert Kleist
2015-201x: Risk Manager, aningaasaqarnermut imm., KNI A/S
2011-2015: Controller, aningaasaqarnermut imm., KNI A/S
2007-2011: Junior Controller, aningaasaqarnermut imm., KNI A/S
2005-2007: NI-2 Akademi Merkonom Økonomi & ressourcestyring, Nuuk. Praktik, KNI A/S
2004-2005: NI-1 Niuernermik Ilinniarfik
2003: Oqaatsinik pikkorissarneq, Exeter Academy School Of English, Exeter England
1999-2003: GU Avannaani Ilinniarnertuunngorniarfik, Aasiaat
1998-1999: AFS, Ottawa, Canada
1987-1998: Meeqqat atuarfiat, Sisimiut

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl