KNI-miit oqartussat innersuussutaat malippagut, tassa:

• Assatit asakulakkit assannullu spritti atoruk
• Talinnut/ikusivit peqittarfianut kakkissarfimmulluunniit tangajorit – assannuunngitsoq
• Maanngaannaq qisernak. Qiseq tunillaannermut peqqutaasinnaavoq.
• Assamminnaveersaarit, ersakkut kunissinaveersaarit eqitaarinaveersaarilluunniit.  Timimiit timimut attaveqarnaveersaarit.
• Eqqiaanissaq, angerlarsimaffimmi suliffimmilu, eqqumaffigiuk
• Inuppassuit akornaniinneq eqqumaffigiuk pinaveersaarlugulu.

KNI-mi uku atuupput:
Pisiniarfiit nalinginnaasumik ammassapput. Tassa imaappoq nioqqutissat tungaatigut ajornartorsiulertoqarnavianngilaq pajuttaatit pisarneq malillugu tikittartillugit.

Pingaartipparput pisiniat toqqissillutik pisiniarsinnaanissaat.  Taamaattumik pisiniarfitsinni pisiniat imminnut qanippallaannginnissaat pillugu killiliussat ikkussorneqarnikuupput, sulisuttalu eqqiluisaarneq salliutillugu sulipput.