Ilulissani Qullissat Ikinngutaat Qullissat saligaatsuutinnissaat pillugu KNI A/S-imit tapiiffigineqarpoq

Ilulissani Qullissat Ikinngutaat KNI A/S-imit tapiiffigineqarpoq sisamanik assakaasulinnik ATV-mik kalitalimmik pisigami.

ATV-iit kalitallit peqatigiiffiup Qullissat saligaatsuutinniarneqarneranni atorfissaqartippai; siunertamullu paasinnilluni tapersersuillunilu KNI A/S ATV kalitai ilanngullugit DKK 40.000,-it missaanni peqatigiiffimmut akikillisaaviginninnermigut tapiissuteqarpoq.

"Peqatigiiffik sinnerlugu Hans Kristian Olsen KNI A/S-imut saaffiginnimmat, ATV-iillu sumut peqatigiiffiup atorniarnerai oqaluttuaralugu ingerlaannaq aalajangerpugut, siunertaq tapersersorniarlugu. Tassalu aamaruutissanik piiaaviusimasup Qullissat, sineriammit tamarmit aasat tamaasa inuppassuarnit maana tikinneqartalersup, Ilulissanilu Qullissat Peqatigiiffiannit annertuumik ukkanneqartup, saligaatsuutinniarneqarnissaa.

KNI A/S-ip inuiaqatigiinni akisussaaqataasutut suliniutinut tapersersuisarnerani toqqammavigisatsinnut saligaatsuutitsinissamik suliniuteqarniarneq isumaqatigeqigatsigu, taamaalilluta peqatigiiffiup iliuuseqarniarnera tapersersorsinnaagatsigu nuannaarutigaarput." Taamatut oqarpoq KNI A/S-ip pisortaanera Peter Grønvold Samuelsen.

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl