Roadshow Qaanaaq 2020 - Meeqqanut

Arfininngorneq 5. september, ullormi tassani Qaanaami meeqqat sammisassaqartinneqarput.

Angalaqatigiit timersortarfeeqqami meeqqat peqatiginissaannut piareersaapput, ullorlu nuannerluinnartumik meerarpassuit ilaqutariippassuillu peqataaffigisaannik ingerlanneqarpoq.

Pisortaaneq Peter Grønvold Samuelsen Nanuaraq ilagalugu meeqqanut tikilluaqqusivoq, meeqqallu nuannisarnissaannik kissaassilluni.

Angalaqatigiit tamarmik scene-mut qaqisinneqarput ilisaritinneqarlutillu, meerarpassuillu angajoqqaaminnit ilaqarlutik pissangaqalutik isaapput, tikilluaqqusinermilu naalaarluaqqissaarlutik.

Iserneq akeqanngilaq, pullartat, candyfloss, sikut, mamakujuit, kaffit, kaagit tamarmik akeqanngillat, tamannalu kikkut tamarmik meeqqat naligiittutut misiginerannik aamma ersiuteqannguatsiarpoq.

Ullup ingerlanerani pilersaarutitsinnut ilaatigut uku ilaapput:

  • Maalia aliikkusersuivoq
  • Meeqqat balloninik pullattakkanik, sikunik, mamakujunnik akeqanngitsumik tuniorarneqarput
  • Meeqqat qimussersuaasaartinneqarput, noqqoruutsinneqarput, puumut ikillutik arpaliutsinneqarput, naatsiiaq arpaliuppaat issiaviillu kaavillugit qititsinneqarput
  • Maalia zumbartitsivoq
  • Victoria Olsen, Paarnaq Larsen Mølgaardilu uaaeerlutik takutitsipput

 

 roadshow-meeqqanut-630px-02.jpg
Pisortaaneq Peter Grønvold Samuelsen meeqqat isaanissaannut heliumballoninik piareersaavoq.

 

roadshow-meeqqanut-630px-06.jpg
Inugguit qimussersuat ingerlanneqarmat assoruuttoqaqaaq.

roadshow-meeqqanut-630px-05.jpg

 

roadshow-meeqqanut-630px-07.jpg
Unammiuaarnerni ajugaasut pissarsitinneqartarput, uani takusinnaavasi qimussersuarnermi pissartanngortut. Pilersuisup atuagaasivianik assigiinngitsunik imalimmik pissarsitinneqarput.

 

roadshow-meeqqanut-630px-08.jpg
Naatsiiaq alussaammut ilillugu arpaliuppaat.

 

roadshow-meeqqanut-630px-09.jpg
Sikunik tunioraasoqarpoq, meeqqallu mamarsaqaat.

 

roadshow-meeqqanut-630px-10.jpg

roadshow-meeqqanut-630px-11.jpg
Maalia naggataartitsilluni meeqqat qiimmassaatigisaannik zumbartitsivoq.

roadshow-meeqqanut-630px-12.jpg
Aaqqissuussaq naammassimmat CSR manager Najaaraq aggersimasut peqataalluarnerannut qujalluni aaqqissuusseqatini scenemut qaqitippai.

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl