Suleqatigut 12-it Aqutsisunngorniarneq naammassivaat

Tallimanngormat KNI-mi aqutsisunngortut nutaat 12-it KNI-p ilinniartitaanera Aqutsisunngorniarneq naammassillugu allagartartaarput. 

Pisortaaneq Jeppe Jensen Kiffartuussivimmi aqutsisunngortut nalliuttorsiutigineqarmata oqalugiarnermini ilaatigut ima oqarpoq: 

”Ullumikkut nalliuttorsiorfiuvoq, siullermillu tassa ilissi Aqutsisunngornirnersi naammassivarsi, tamannalu malunnartissallugu takkuppugut. Jensi Erna, Jørgen, Rita, Hanne J, Najannguaq, Ole, Heidi, Rassi, Najakkuluk, Hanne K, Jonnalu pilluangaaritsi. Ilisimassavarsi tulluusimaarlutalu nuannaaratta ilinniarneq unammillernartoq tigusimagassiuk naammassillugulu. 

KNI inuiaqatigiillu aamma nalliussivagut taakkuami aqutsisortaarmata aqutsilersinnaasunillu aqqaneq marlunnik peqalermata, neriuppugullu tamarmik piareersimasut alloriarnissaminnut aqutsisutut, nuannersua, pissanganartua ilaannilu ajornakusoornerusoq unammilernartua aqutsinermik taasagarput tigussallugu. 

CSR politikkitsinni oqariartuutigaarput inuiaqatigiinnut akisussaaqataanitsinni KNI-mi nunatsinnilu tamarmi piginnaasatigut ineriartortisineq aallukkipput salliutikkippullu. Ilinniarneri pitsaasut aalaakkaasumik neqeroorutigisassavagut taamaalilluta sulisugut ataavartumik ilinniartillugillu ineriartortissagatsigit, KNI-milu suliassat pingaarutillit naammassineqarsinnaaniassammata. Aqutsisunngorniarnerlu assersuutissatsialaavoq tamatsinnullu maligassiuivusi. 

KNI annertuumik akisussaaffeqarpoq maani nunami ulluinnarni sorpassuit ingerlasinnaanissaanik, uagutsinnullu piumasaqaatit annertupput. Nutaamik periusissiuleruttorpugut, KNIp siunnerfissaanik, suliffeqarfissuarmi assigiinngitsunik allannguisussamik – minneriunngitsumillu periuserisartakkatsinnik allannguisussamik. Ilasi ingerlaatsimi ilaareersimalerput, ilissiuvorli tamassi anguniakkanik piviusunngortitsisussat, KNI pitsaanerusoq siunissami piginiassagatsigu. 

Naggataatigut ilinniakkassinnik naammassinissinni pilluaqqigitsi - imminut tulluusimaarutigissaasi. Tavalu diplom it ilinniakkamik angusisimanermut ilinniarsimanissinnut takussutissasi tunniutissavakka.” 

Aqutsisunngortut pilluangaaritsi :)

Aqutsisunngortut saamimmiit/ De nye ledere er fra venstre: Rasmus Frederiksen, Hanne Jensen, Jonna Petersen, Najakkuluk Olsen, Najannguaq Møller, Heidi Ramsøe, Hanne Kreutzmann, Ole Løvstrøm, tunuani naammassisut sinerissamiit peqataasut/De øvrige dimittender der deltager via Teams: Jørgen Mørch, Jens Kleist Østergaard, Erna Fontain, Rita Christensen.