KNI-mi ilinniartut aasaq manna qulit atuagarsornermi naammassipput angusarissaartoqarlutik

Ilinniartut qulit, Pilersuisuni pisiniarfimmiunngorniat kiffartuussivimmilu allaffimmiunngorniaq, aasaq manna 15. juni 2018-imi atuagarsornermi allagartartaarlutik naammassipput.

Ilinniaqatigiinni KNI-mi ilinniartoq ataaseq angusaqarluarnerpaavoq. Pilersuisoq Attumi suliffimmik misiliisuusoq, Jakob Inusugtok, agguaqatigiisillugit karaktereqarluni 10,7-imik.

Ilinniartut naammassisut inaarutaasumik suliaminnut ukua karakterinnassutigivaat: A-t marluk, B ataaseq, C-t sisamat, D ataaseq E-lu ataaseq.

Pisiniarfimmiutut atuagarsornermi naammassisuni ataaseq Pilersuisumi atorfinippoq, illoqarfimmiit nunaqarfimmut nuulluni, marlullu aasaanerani suleqqaassallutik.
Ilaasa suliffimmik misiliineq naammassivaat, sinnerilu juulip naanerani naggataassallutik.
Qutsavigivagut ukiut kingulliit sukataarlutik ilinniarnertik KNI-mi ingerlassimammassuk atuagarsornermilu angusillutik naammassillugu. Siunissami pitsaanerpaamik kissaappagut.

Naammassisut ukuupput, ilinniagaq sumilu:

Susanne Hansen, TNI pisiniarfik, Pilersuisoq Upernavik
Tom Therkelsen, TNI pisiniarfik, Pilersuisoq Uummannaq
Sara Jensen, TNI pisiniarfik, Pilersuisoq Qaarsut
Jakob Inusugtok, TNI pisiniarfik, Pilersuisoq Attu
Aviaq Broberg, TNI pisiniarfik, Pilersuisoq Qeqertarsuaq
Fia Hansen Ostermann, TNI allaffik, Kiffartuussivik Sisimiut
Qisuk Semsen, TNI pisiniarfik, Pilersuisoq Nanortalik
Kunooraq Fontain, TNI pisiniarfik, Pilersuisoq Alluitsup Paa
Sofie Davidsen, TNI pisiniarfik, Pilersuisoq Nanortalik (naammassivoq 28. februar 2018)

 

samlet.jpg

Asseq saamerleq: Fia H. Ostermann, TNI allaffimmiutut naammassisoq, Niuernermik Ilinniarfik, Nuuk.
Asseq talerperleq: TNI pisiniarfimmiunngorniatut naammassisut, Campus Kujalleq, Qaqortoq. Nr. 1 saamerlerniit Jakob Inusugtok, nr. 2 Aviaq Broberg, nr. 7 Qisuk Semsen, nr. 8 Kunooraq Fontain, nr. 9 Ellen–Dorthea Isaksen, nr. 11 Sara Jensen. Susanne Hansen aamma Tom Therkelsen Skype aqqutigalugu angusisoq.

 

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl