Kujataani naatsiianik ukioq manna maangaannartitsisoqassanngilaq

Eqqaamaneqartutut aasaq manna nillerlunilu sialoqarpoq, tamatumalu kingunerisaanik ukioq manna naatsiiat tunineqartut affaannaapput. Nalinginnaasumik naatsiiat 100 tons sinnerlugit Neqi A/S-imut tunineqartalersimagaluartut ukioq manna tunisat taamaallaat 51 tons-iupput.

2018-imi Neqi A/S kujataani naatsiianik økologisk-iusunik tigooqqaasarnera paaqqutarinnittarneralu pitsanngorsarneqarnikuuvoq. Immikkoortiterut nutaaq poortuinermi iluaqutaaqisoq pissarsiarineqarnikuuvoq, nunap immikkoortuini naatsiianik peqqumaasersorneq tuniniaanermut iluaqutaasimavoq, tamakkulu tamarmik naatsiiat piusinnaanerat sivittorsartarpaat.

2018-imi naatsiiat tunineqartut ima ikitsigipput, allaat qaammatit marluk ingerlanerinnaanni tamakkerlugit tunineqareersimallutik. Maannakkut poortueriaaseq nassiussueriaaserlu pitsanngorsaataasimasut aallaavigalugit ukiuni aggersuni minnerpaamik 150 tons angullugit pisiariortorneqarsinnaassapput. Tamanna piviusunngorpat ukiuni aggersuni pisisartut ukioq kaajallallugu naatsiianik Nunatsinneersunik pisiassaqalersinnaassapput.

Oktoberip naanerani savaaqqanik savanillu toqoraaneq aamma naammassineqarpoq. Neqi-mut tunisineq septemberip qiteqqunneraniit qaammatit aappaa avillugu ingerlanneqarpoq.

Neqi A/S-imut tunisat 

Tunisat:                                    2018                                    2017                                     2016

Savaaqqat (stk.):                       18.020                                 18.818                                17.458

Savat (stk.):                               1.680                                   1.758                                  1.183                 

Agguaqatigiissillugu (kg.):         15.05                                   15,38                                  15,93                 
Savaat (kg.):                               271.144                               289.468                              278.108

Nersussuit:                                40 stk. i 2018 - 41 stk. 2017-mi

Tuttut:                                       62 stk. i 2018 – 2017-imi pisiortortoqanngilaq

Naatsiaat:                                   51 tons i 2018 – 111 tons 2017-mi

Paasisaqarnerorusukkuit: 

Fabrikschef, Viggo Djurhuus.
Telefon: 66 11 19
E-mail: vdj@kani.gl