Kalaallisut frikadellit

Neqi A/S Inunnguaq Hegelundilu suleqatigiillutik suliatik siulliit saqqummiussinnaanngorpaat: savaaqqamik frikadelliliat kødbollerlu :)

Neqi ukioq kingulleq nerisassiornermi ilitsersuusiatik aallaavigalugit tunisassiassanik nutaanik qaammatini kingullerni suliaqarpoq, maannalu suliatik siulliit piareerpaat.

Narsami kulturisiortoqarneranut atatillugu innuttaasut Neqip frikadelliliaanik nutaanik misiliinissaminnut periarfissinneqarput, utertiviginninnerpassuillu takutippaat mamarineqarluartut.

Frikadellit kødbollerlu saniatigut Neqip nioqqutissaataasa aamma ilagaat conveniencemik tunisassiat (nerisassat ajornanngitsut, qalariaannaat), ulluni ulapaarfiusuni kujataanit savaaqqanik savanillu tunisassianik ajornanngitsumik nerisassiortoqarsinnaalluni. Assersuutigalugu biksemadit akuukkat akoorneqanngitsulluunniit, imaluunniit savaaqqamik spareribsit marineerikkat toqqagassaapput.

Soorunami savaaraq arfininngornersiutissaq savaaqqamillu pizzaliaq suli pisiassaapput, Neqillu nerisassiat ajornanngitsut ukiariartulernerani amerliartortinnissaat aamma sulissutigaat, taamaasilluta qilanaartuutissaqarluarpugut.