Neqi A/S nutaamik tunisassiornermut pisortartaarpoq

Narsami nersutinik toqoraaviup Nunatsinni nerisaqarnitsinnut sunniuteqarnini annertusarniarpaa, aamma nunap iluani avammullu nioqqutissiornini annertusiniarlugu Neqi A/S nukittorsarniarlugu ineriartorteqqinniarlugulu, ingammik tunisassiorneq tuniniaanerlu eqqarsaatigalugit, 1. november 2019 atuutilersumik tunisassiornermi pisortatut nutaatut Neqi A/S-imi atorfinitsinneqarpoq Ole Vestergaard.

Maannamut tunisassiornermut pisortaagallartoq Viggo Djurhuus Neqi A/S-imi teknikkeqarnermut pisortatut ingerlaqqiinnassaaq, taamaalillunilu Ole Vestergaard qanimut suleqatigissallugu.

Ole Vestergaard 2015-imiilli Vital Pet Food Group-imi tunisassiornermut pisortatut Ølgod-imi Danmarkimi maannamut atorfeqarsimavoq. Ole Vestergaard siusinnerusukkut suliffigismavai:

  • Royal Greenlandip Qasigiannguani aalisakkeriviani pisortatut (2010-2014)
  • Royal Greenlandip Qasigiannguani aalisakkeriviani tunisassiornermut pisortatut (2005-2010)

KNI-p suliffeqarfissuanit Neqi-mi tunisassiornermut pisortamik nutaamik pisortaqalersitsinikkut naatsorsuutigineqarpoq ineriartortitsisoqaqqinnissaa taamaalillunilu Narsami toqoraavimmi suliffissanik qulakkeerinninnerup nukittorsarneqarnissaa.

Ole-Vestergaard-250px.jpg

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl