Ukiormanna tunisineq naammassilluartoq

Savaatillit ukiormanna NEQI A/S-imut tunisinerat maanna naammassisimalerpoq. Savaaqqat savallu ikinnerit taamaattorli anginerit tunineqarput. Uumasunik toqoraavimmut NEQI A/S-imut 2016-mi tunioraanerup tamanna takutippaa.

Nunaatilinnit ataasiakkaaniit uumasunik assartuineq nammineq assartuutigissamik “Viking ll”-mik isumagineqarpoq. Aaqqissuussineq tamanna naammaginarluartumik ingerlavoq, assartuineq aningaasaqarnerlu eqqarsaatigalugit savaatillinnut NEQI A/S-imullu iluaqutaasimalluni. Assartuummik nammineq peqalernermigut aaqqissuussinerit assigiinngitsut amerlanerillu NEQI A/S-imit siunissami peqataaffigineqarsinnaalissallutik.

----------
Ukiormanna tunisat kisitsisinngorlugit

Tunisat katillugit:                       2016                                           2015

                                                  Savaaqqat 17.458-it                   Savaaqqat 18.425-it
                                                  Savat 1.183-it                            Savat 1.513-it

Agguaqatigiissillugu:                 15,93 kg                                     13,36 kg
Savaaqqat Kg:                            278.108 kg                                 246.228 kg

Tuttut:                                       73-it Tuttutuumiit
Umimmaat:                                57-it Arsuup Kangerluaniit
Nersutit:                                     23-it Igalikumiit, Qanisartuuniit aamma Narsami Dyrnæs-imiit
Naatsiaat:                                   100 tonsit pingaartumik Eqaluit Iluaniit Kangerlulummiillu

----------

Per Jensen, pisortaq, Neqi A/S:
- Naatsorsuutigisimavarput siornamut sanilliullugu savaaqqat savallu ikinnerusut tunineqarnissaat.  Nuannaarutigaarpulli 2014-miit 2015-mut ikileriaat annertooq maanna unikaallassimammat. Aappaagu 2017-mi tunisat ukiormannamut sanilliullugu qaffariarnissaat naatsorsuutigaarput.

Savaaqqat ukiormanna tunisat oqamaannerunerat pissutigalugu nunatsinni savaatilinneersunit nioqqutissianik nunatsinni pisisartut piumasaasa neqeroorutiginissaannut NEQI A/S periarfissagissaarnerulissaaq. Pisisartut piumasaat annertusissappata suliffissallu pingaarutillit attatiinnarneqassappata nunatta avataaneersunik nioqqutissiassanik 2017-mi pisiniarnissaq pisariaqassanersoq kingusinnerusukkut nalilersorneqassaaq.

Naatsiiat naatinneqarnissaannut, maskinat pisiarineqarnissaannut katersuivimmillu pilersitsinissamut nunaatillit NEQI A/S-imit suleqatigilluarneqarput. Taamaasilluni naatsiaat pisiarineqartut maanna taakkua pitsaassusaannut ajoqutaanngitsumik uninngasuutigineqarsinnaalerput. NEQI A/S-ip naatsorsuutigaa upernarnissaata tungaanut pisiniarfiit naatsiianik pilersorsinnaallugit. Nunanit allaneersut naatsiiat taamaaliorneqartartut, naatsiiat nunatsinneersut naatinneqarnerisa nalaanni akuutissartalinnik serpartarneqarneq ajorput.

Arsuup kangerluaneersunik umimmannik misiligutaasumik NEQI A/S ukiormanna pisivoq. Silagittuaannannginnera unammillernartortaqarluartoq tamaanngaaniit umimmannik misileraalluni pisiortorneq NEQI A/S-imit iluarisimaarneqarpoq, Arsummiillu peqataasut aamma iluarisimaarinnittut maluginiarneqarpoq. Misileraaneq aappaagu ingerlateqqinniarlugu NEQI A/S pilersaarpoq, siunertaavorlu umimmaat neqaasa sapinngisaq tamaat iluaqutiginiarniarnissaat.