Pilersuisup digitalimik aviisitigut neqeroorutai pisisartunit tigulluarneqarput

Pilersuisup siorna augustimi Naalagaaffeqatigiiffimmi niuertarfinni siullersaalluni 100 %- imik aviisitigut neqeroorutit digitalinngortippai. Incitop, aviisitigut neqeroorutit programmerisaata aqqa, tutsuiginartumik ersarissumillu takutippaa qassinik ukiullit aviisi atorneruneraat qanorlu atorneraat, aviisitigullu neqeroorutit digitalinngorneranit ukiup affaa qaangiuttorlu killiffik aajuna.

Piffissami 7. oktoberimiit 31. december ilanngullugu pilersuisoq.gl inunniit 27.743-niit iserfigineqarpoq, taakkulu agguaqatigiisillugu 1 minut aamma 55 sekundit quppernermiissimapput. 177.258-it quppernitsinnik takunnissimapput. Aviisitigut neqeroorutinik atuartartut qassinik ukioqarnersut ataani takuneqarsinnaapput (aviisi ataaseq aallaavigalugu).

Nuannaarutigaarput pisisartutta qanorluunniit ukioqaraluarunik neqeroorutit aviisit digitaliusut atuartaraat.

Atuisut suiaassusaat assigiimmik agguarsimapput. Ukiui najoqqutarissagutsigit 45-54’inik ukiullit aviisi iserfigisarpaat. +65-inik ukiullit ikinnerupput, taamatulli ukiullit nunatsinni 10 %- it missaannaanniikkamik aviisitigut neqeroorutini atuartartutsinni amerlasoorujussuupput.

SUUT ATORLUGIT QUPPERNERUP ISERFIGINEQARTARNERA

Ullutsinni inuit qanorluunniit ukioqaraluarunik ulluinnarni siunertanut assigiinngitsunut mobilitik atortarpaat. Attaveqatigiinnernut, aliikkutassanut, assiliinernut pisiniarnernullu – taamaattumillu pisisartutta mobilitik atorlugit aviisitigut neqeroorutit atuartalernissaannut piareersimapput.

86 %-iisa aviisitigut neqeroorutit mobiilikkut atuartarpaat.