Pilersuisumi pisiniartartutta ulluinnaat akikinnerulissaaq

Pilersuisoq pisiassanik aalajangersimasunik annertuumik akinik appaaneq pillugu saqqummiussilerpoq. Saqqummiussineq unnugu KNR TV-kkut aallartinneqassaaq ilisarnaatigissallugu ´Pilersuisoq illit pillutit atavoq – sumiluunniit najugaqaraluaruit´.

Pinngortitarsuarmut nuannarilluinnakkatsinnut qanittuaraalluta Kalaallit Nunatta sineriassuani illoqarfeeqqani nunaqarfinnilu inuuvugut. Tulluusimaarutigeqisatsinnillu tamanna Nunatta kulturittalu immikkuullareqqutigaat.

Nunarsuarmi sumiiffinnut allanut sanilliulluta inoqarfiit inukitsut Nunattalu isorartunersuata akitigut assartuinukkullu ajornaatsuinnaanngitsumik ulluinnarni inissisimatippaatigut. Taamaattumik ilaqutariit allanngorartunik nerisaqarniarnertik akissaalatsiffigisinnaasarpaat.

Nunatsinnut pisiniartartutsinnullu ajornartorsiutigineqartartoq tamanna piviusuuvoq, Pilersuisumi pisortaq Niels Andersen taama oqarpoq, taamaattumillu pisisartutta pisiassat pisiarinerpaasartagaasa ilaat akikilliniarlugit aalajangerpugut.