Itillimi pisisartunik aliikkusiartitsineq

Sapaammi 18. april nunap immikkoortuani Kitaani pisortap Itillimi pisiniarfimmut ukiumoortumik tikeraarnera iluatsillugu pisisartunik ”aliikkusiartitsinermik” taallugu katersortarfimmut qaaqqusisoqarpoq.

Aliikkusiartitsineq pisisartunit assut ilassilluarneqarpoq tassami Itilleq innuttaasunit 91-siusunut sulisut tapullugit inuit 48-rut takkupput.

  • Tikilluaqqusisoqarpoq, aliikkusiartitsinerup siunertaa pisisartunut nassuiarneqarluni, tassalu Pilersuisoq pillugu saqqumiineq kiisalu pisisartut aammalu Pilersuisup akornanni imminut qaninnerulernissaq/paaseqatigiinnerulernissarlu.
  • Nioqqutissat nutaat REMA 1000-meersut pillugit saqqumiisoqarpoq, tassani erseqqissaatigineqarpoq nioqqutissat Dagrofa-meersut nungorarnerat ilutigalugu Rema 1000-meersunik taarseriartuaarneqassasut.
  • KNI-mi periusissiaq nutaaq kingulleq Killingusaaq 2.0 sunaanersoq kiisalu sunik imaqarnersoq pisisartunut nassuiarneqarpoq, tassani ilaatigut Kaalaallit inuunerat ilorleq tunaartaralugu suliniarneq erseqqissarneqarpoq.
  • Suliassat Akisussaaffiillu pillugit plakateq sunik imaqarnersoq oqaluttuarineqarpoq, minnerunngitsumillu Suliassat Akisussaaffiillu atorlugit sulineq pitsaasoq nassuiarneqarpoq.
  • KNI-mi Naleqatitat plakateq tamaat sumik imaqarnersoq pisisatunut oqaluttuarineqarpoq.

Pilersuisumit saqqummiunneqartut pisisartunit assut tigulluarneqarput paasilluarneqarlutillu.
Saqqumiisoqareermat pisisartut takkuttut nerisassanik sassaallerfigineqarput, kiisalu meeqqat nuannaarutigisaannik ballonit agguaanneqarlutik. Ualip ingerlanerani nallukattat atorlugit 25-ernermut kiisalu Olsennimi unammersuartoqarpoq, ajugaasut pinnatsinneqarlutik. Ualinerani normunik makitisoqaqattaarpoq assut alutorineqartumik.

itillimi-pisisartunik-aliikkusiartitsineq-630px-02.jpg

Pisisartut ilaat Piitaaraq Siguardsen unnukkut imatut allappoq:
- Pilersuisoq nunaqqatigiinnut ataatsimuualaartitsineranut qujanarujuk nuanneraluaannarpoq. Nunaqqatigilikkat ataatsimuualaallaqqissut nuan. Qangamita 25-erama.

Kiisalu Lona Enoksen Dahl allappoq:
- Pilersuisoq nerisitsillunilu inukkatitsingami aliikkutaavoq.

Pilersuisumi sulisut ilaat Dorthe Jensen aliikkusiartitsineq pillugu imatut naliliivoq:
- Nunaqqatigiinnut katerisimaartitsinerput nuannersorujussuuvoq, inuit tamarmik qiimarrattut, illaqattaartut, nerrillutik, unammiuaarlutik, nipilersortoqarluni, utoqqarniik meeqqanut tamarmik nuannisarrattut isigalugit nuannersorujussuuvoq. Aamma alutornarpoq assut nunaqqatitsinnut taamatut aggersaaneq aliikkusiartitsineq nerinertalimmik, ataatsimiisitsiinnarani tuniniaaginnarnanilu pisisartugut pillerfigilaarlugit, alutorineqaqaaq nuanneraluartitsiinnarlutillu.

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl