Pisisa.gl-ip internetikkut pisiniartarfinni
akissarsiaq pissarsiaringajappaa

Ataatsimik ukioqalingajalerluni KNI-p internetikkut pisiniartarfia Pisisa.gl "Danish Internet Awards 2013" –imi sallersanngorniarluni unammisitsinermi peqataaqqammerpoq, tassa niuerfimmi immikkut illuinnartumik pilersitsisimanini pissutigalugu. “Tulluusimaarpugut pisisartugut sinnerlugit peqataasinnaagatta. Taamaattumik sapaatit akunneranni inuuissiorfiusumi pisiniarineqartut tamaasa 10 procentimik akikillisaaffigineqassapput,” internetikkut pisiniartarfimmi pisortaq Marcus Probst oqarpoq.

“Peqataasimagatta tulluusimaarpugut pisisartugut sinnerlugit, taakku uppernarsarpaat internet aqqutigalugu pilertortumik Kalaallit Nunaat tamakkerlugu pisiniarsinnaaneq pisariaqartinneqartoq. Taamaattumik sapaatit akunneranni inuuissiorfiusumi 1. maajimit 8. maajimut pisiniarineqartut tamaasa 10 procentimik akikillisaaffigineqassapput.”

Akissarsiaq tunniunneqarpoq internet aqqutigalugu niuernermi niveriaatsimik ineriartortitsinermut. Tunniunneqarpoq internettikkut pisiniartarfimmut "2012-imi kaaviiaartitsinermigut aamma sullissinerup pitsaassusiatigut, atuinermik pilersitsinermigut, soqutiginartunik toqqagassaqarnermigut atuinermi orniginartumik misigititsinermigut immikkut ittumik maluginiarneqarsimasumut." Naliliisut inassutigineqarsimasut tallimaasut akornanni toqqarpaat timmisartuutiteqatigiit Thomas Cook Airline akissarsitinniarlugu. Unamminermi 250 sinnerlugit peqataatinneqarput.

“Aammattaaq allassimavoq "immikkut pingaartinneqarput internetikkut pisiniartarfiit nioqquteqarnermi ileqqut nalinginnaasut atorlugit ingerlalersimasut, tamakku iluaqutigalugu niuerfimmi immikkut inissisimalersimasut." Uagut Kalaallit Nunaanni immikkut unammilligassaqarpugut, ingammik nunap anginerujussua pissutigalugu aamma akuttunngitsumik tikinnissamut periarfissat ajornartarmata. Taamaattumik uagut innersuussutaaneq aamma inissiffipput aallarnikkamik nersorinninnertut isigaarput," Marcus Probst oqaluttuarpoq.

DIA 13 Danish Internet Award" tassa aaqqissuisuusut tassaapput Danske Medier, taakkununnga ilaapput qallunaat aviisii ullormut, sapaatit akunneranut saqqummersartut suliamullu tunngatillugu atuagassiat aammattaaq Huset Markedsføring. Inernettimi qupperneq pilersinneqarpoq Pisisa.gl aamma webbureauet CPH Cloud Company.

Pisariaqartinneqartut pingaaruteqartut matussuserneqarput

Siorna maajip aallaqqaataaniilli Pisisa.gl-ip kaaviiaartitsisarnera pitsaasumik ineriartorsimavoq, Europap kitaatulli nunami angitigisumi Kalaallit Nunaanni tamarmi "matumut" apuussanik pisianik tunniussisarnermi pisariaqartitanik takutitsilluni.

“Nioqqutissaateqarpugut 20.000-it sinnerlugit amerlassusilinnik, ingammillu qerititsiviit, nillataartitsiviit, errorsiviit assigisaallu, elektronikkit, pequtat, pinngussat aamma angallatinut motoorit piumaneqarsimapput. Igaffimmi atortut qerititsiviit, nillataartitsiviit assigisaallu nioqqutissaapput aallaqqaataaniilli Pisisa.gl-imi annertunerpaamik kaaviiaartitsisuusimasut. Pequtat nioqqutissatut nutaajupajaarput, oktobarip aallaqqaataani Pisisa.gl-imiilersut. Nioqqutigilernerat kingusinnerusukkut pigaluartoq pequtat pisiarineqarnerpaasartut tulleraat. Pisisartut quliugaangata arfineq-pingasut angerlarsimaffimminnit pisisarput. Sinneruttut Pisisa.gl-ip Pilersuisup niuertarfiini terminalit atortarpaat, internettikkut pisiniartarfimmi pisortaq oqarpoq.”

Innuttaasut ataasiakkaarlugit naatsorsorlugit pisinerpaasartut uanngaanneersuupput

Pisisa.gl sumiiffiit tunngavigalugit qulinik tulleriiaarisimavoq, taakkunani innuttaasut ataasiakkaarlugit naatsorsorlugit internettimi pisiniarnerpaasartut tulleriiaarlugit:

Top 10:

  • Qaarsut
  • Tasiusaq Upernavik
  • Savissivik
  • Eqalugaarsuit
  • Qassiarsuk
  • Tiniteqilaaq
  • Narsarsuaq
  • Tasiusaq Nanortalik
  • Ikerasak
  • Nuussuaq

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl