Meqqusaalik - meqqi nutaaq KNI-meersoq - Pisisa.gl-imi pisigit

KNI atisanut meqqimik nutaamik saqqummersitsivoq, tassaasoq – Meqqusaalik. Arnanut angutinullu tulluartut annoraaq qarlippaallu ujatsiutitallit pisiarisinnaalereerpatit. Aamma saniatigut arnanut pisiarineqarsinnaapput qarlippaat softshellit dunjakkerlu. Kingusinnerusukkut arnanut angutinullu tujuulussuit aamma pisiarineqarsinnaalissapput.

Meqqusaalinnik pisisinnaavutit www.pisisa.gl-imi Pilersuisunilu.

Meqqusaaq
Ateq Meqqusaaq Avanersuarmeersuuvoq Canadamit naggueqartoq.

Meqqusaaq isumaqarpoq 'meqqutut ittoq' imalt. 'meqqungasoq' imalt. 'meqqortaaq'. Naggueqatitta Canadamiut ujarak ukkusissaq tungujortoq qaamasoq ipaasalik aqittoq meqqusaamik taasarpaat.

Taamatuttaaq iganermut atortut, qulliit allallu marrarmik, qimmip amianik, ivikkanik puisillu orsuanik akullugit innermut manngersakkat tasamani taaneqartarput 'miqqusaaq'.

Ateq Nunatsinnut eqqunneqarpoq Qillarsuakkut 1860-ikkut missaanni Nunatsinnut ikaarmata. Qillarsuup najaata ernera ateqarpoq Meqqusaaq.

Meqqusaalik
Aamma Akilinermi Qallupilluit (immap inui mitit meqquinik annoraallit) pillugit oqaluttuami terianniat meqquinik annoraalik tasamanimiut ilaatigut meqqusaalimmik taasarpaat.

Kalaallit oqaluttuaanni arlalinni Meqqusaalik imalt. Meqqisaalik ilaanni inuttatut pingaarnersaasarpoq imalt. pingaannginnerit ilagisarpaat. Qujaavaarsummi oqaluttuami 'meqqusaalissuaq' tassaavoq uumasorsuaq timmissat amiinnarsuinik atortoq angakkut naapissinnaasaat, "Taamaattorsuarninngooq alittuigaangamik kivingaaqalersarput" (nunamut nungusinnaanngornermik, morsussinnaanngornermik piginnaassuseqalersarput)."

Aamma oqaluttuaatitta ilaanni angutip Meqqusaalimmik ateqartup umiamik Akiliniartunik naapitsilluni angalaqatigilerpai, anorersualermat immap iluanut aqqarput immallu iluatigut ingerlaqqillutik.

www.pisisa.gl – Kalaallit Nunaata nittartakkatigut pisiniarfia.

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl