Qeqqani ikummatissaasivinnik isumaginnittut Nuummi pikkorissarnerat

Aprilip 29-aniit maajip 3-anut 2022

 

Paamiut, Nuup, Maniitsup, Sisimiullu nunaqarfiini Pilersuisoqarfinni ikummatissaasivinnik isuma-ginnittut pikkorissartinneqarput. Polaoil-ip illoqarfinni tankeqarfiinit pikkorissarneq peqataaffigi-neqarpoq.
2009-p kingorna maannamut 16-nissaa ikummatissaasivinni isumaginnittunik pikkorissaaneq ingerlanneqarpoq. Pikkorissaasarnerup siunertaraa piffinni ikummatissaasivinnik isumaginnittut ingerlatsinermi ilisimasassanik pingaaruteqartunik ilisimasaqalernissaat.

Saqqummiisoqarnerani pikkorissartut oqallinnerni peqataalluarnerisa aammalu apeqquteqarusus-suseqarnerisalu takutippaat nunaqarfinni ikummatissaasiviit aserfallatsaalineqarnissaanut inger-lanneqarnerannullu pingaaruteqarluinnartoq ikummatissaasivinnik isumaginnittut pikkorissartit-tuarneqartarnissaat.

Nalinginnaasarpoq Nunaqarfimmi ikummatissaasivimmik paarsisoq pikkorissarnermut peqataa-sarluni, tamatumuunakkulli niuertut marluk peqataapput. Niuertut peqataasut oqaluttuarput ilikkagaqangaatsiarsimallutik ulluinnarni eqqarsaatigineq ajukkaminnik.

Qulequttat sammineqartut
Qulequttat pingaaruteqartut soorlu ikummatissaasivinnik ingerlatsineq, aserfallatsaaliineq, sak-kuutit, nioqqutinik ilisimasaqarneq, isumannaallisaanerlu Paulus Lyberth-imit Gerth Jack Storer-imillu saqqummiunneqarpoq. Pikkorissartut periarfissinneqarputtaaq Nuummi Polaroil-ip peqqu-maasiviani atortunik assigiinngitsunik suliassaalersartunik assassorissanik misileraanissaminnut.
Nunaqarfinni ikummatissanik uuttuereernermi qaammammut naatsorsuutinut ikkunneqartarneri pillugit saqqummiisoqarpoq, aammattaaq pikkorissartut kisitsisinik naatsorsuivinnut ikkussuineq misilerarpaat.
Ikummatissaasivinni sulineq ulorianarsinnaavoq, taamaattumik Kalaallit Rødekorsianiit ikiueq-qaarnermik pikkorissaanermi ingerlatsiuaannartoqartarpoq. Pikkorissartut ilaatigut uummarsaa-nermik sungiusartinneqarlutik ilinniartinneqartarput.

Nuummi qatserisartut qatserutaasivimmi ikuallatsaaliuineq pillugu saqqummiipput.
HRD-miit Dorthea Isaksen aamma Najannguaq Møller KNI-mi naleqartitat pillugit aammalu Inni-miilliortarneq pillugu politik pillugu saqqummiipput oqallitsitsillutillu. September 2013-mi KNI-mi naleqartitat siammarterneqalerput, ullumikkullu assut ersarippoq inuit naleqartitat assut pigiler-simagaat, assersuutinillu saqqummeeriaannanngorsimallutik, atuilluarsinnaanerulersimallutillu. Pikkorissartut eqimattani suleqatigiipput, pikkorissaqatiminnullu saqqummiillutik.

KNI-mi Innimiilliortarneq pillugu politikki saqqummiunneqarpoq, peqataasullu peqatigalugit eq-qartorneqarlutik. Pikkorissartut uummaarillutik eqqartuinermut peqataapput. Imarisaa pillugu eqqartueqatigiinnermi pikkorissartut uummaarissumik peqataapput. Peqataasut isumaqatigiis-sutigaat suliffeqarfimmi chikane akuersaarneqassanngilluinnartoq.
Pikkorissartut tamarmik ikiueqqaarnermi, Ikuallatsaaliuiniarnermi aammalu Ikummatissaasivinnik isumaginnittutut pikkorissarsimasutut allagartartaartinneqarput.

Peqataasut:
Esra Rosing, Kangaamiut, Apollo Møller, Napasoq, Lars Poulsen, Atammik, Finn Løvstøm, Manii-tsoq, Vittus Lukassen, Kapisillit, Elias Dahl, Itilleq, Enos Alaufessen, Sisimiut, Peter Boassen Paamiut, Hanne Jakobsen, Arsuk, Ado Berglund, Qeqertarsuatsiaat.

Peqataasut tamaasa pilluaqqungaarpagut, angerlamullu apuulluarisi.

tankpasser-nuummi-630px-03.jpg

tankpasser-nuummi-630px-02.jpg

tankpasser-nuummi-630px-01.jpg

Assimi takuneqarsinnaapput: Driftchef Gerth Jack Storer, Esra Rosing, Kangaamiut, Apollo Møller, Napasoq, Lars Poulsen, Atammik, Finn Løvstøm, Maniitsoq, Vittus Lukassen, Kapisillit, Elias Dahl, Itilleq, Enos Alaufessen, Sisimiut, Hanne Jakobsen, Arsuk, Ado Berglund, Qeqertarsuatsiaat.

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl