Pitsaassuseq akigissanngilarput

Uppernarsaatit marluk Polaroilimi pigivagut, Pitsaassuseq ISO – 9001 aammalu Avatangiisinik mianerinninneq ISO – 14001.

1.jpg

Polaroilimi pisisartugut sineriammi siammasissumik inissisimasut ikummatissamik qaqugukkulluunniit pisiuaannarsinnaajuaannartussaapput. Pisisartugut siammasissumik inissisimasuupput, aalisartuupput, piniartut imaluunniit kikkulluunnit najugarisaminnik kiassaaniartut, minnerunngitsumillu nunanit allaninngaanniit angallatit anginerusut, takornarissanik angallassisartut, oliesiortut allallu pitsaasumik ingerlatsinermik piumasaqaateqartartut.   

Pisisartut pitsaanerpaamik sullikkumallugit, sulisugut pikkorissuupput akisussaaffimmik anner-tuumik tigummiallit. Ulluinnarni ikummatissanik tuniniaanermi saniatigut Polaroilip avataaniit takkuttumit ukiumut ataasiarluni misissuisartumik tikittoqartarpoq. Misissuisartoq suliffeqar-fissuarmit Bureau Veritas-imeersuuvoq Jens Buus Lassen, Polaroilimilu suliat pitsaassusaat aammalu pinngortitamik mianerinninnermik qulakkeerinninnerit pitsaasuunersut misissoriartortarpai.

Ukioq manna Jens Buus Lassen Polaroilimi aqutsisut ilagalugit Qeqertarsuarmiippoq Kangerlummilu, Polaroilimi suleriuseq misissorpaa, pisisartut oqaloqatigai aammalu Polaroilip suleqatigisartagai Oratank aammalu Nukissiorfiit naapillugit.

Misissuisup pitsaassutsimut aammalu pinngortitamut tunngasut suulluunniit apeqqutigisinnaasarpai, aperineqartullu piareersimallutik akissuteqartarput. Taamaalilluni Jensip tassani takusinnaalertarpaa Polaroilip iluani eqqortumik ingerlasoqarnersoq.

Jens Buus Lassen pappilissanik misissuivoq Frederik Broberg Qeqertarsuarmi ikummatissaasivilerisoq peqatigalugu.

Ukioq manna misissuisitsinermi Polaroil kingumunaasiit angusarissaarluarpoq, Qeqertarsuarmi Kangerlummilu sulisut tamaasa takutitsilluarnerannik qutsavigingaarpagut.

Assimiittut: Saamimmiit Kim Hjermind, Githa Brask Olsen, Jens Buus Lassen, Gerth Jack Storer, Emil Brastha (Paamiut), Mikael Andersen tankbilini aquttoq.

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl