Oqaluttuarisaaneq

- KNI-qarfimmi KNI Engros nutaanersaavoq

logo-engros-mid.png

Naak KNI Engros KNI-p ataani inissisimagaluartoq, taamaattoq oqaluttuarisaanera 1774-imiit aallartiffeqanngilaq. KGH-qarallarmat niuerneq tamarmi kisermaassilluni ingerlanneqarmat, ullumikkutut engros-imiit niuernermik ingerlatsinissamut tunngavissaqarsimanngilaq. 1951-imi kisermaassilluni niuerneq atorunnaarsinneqarmat, engros-imiit annikitsuararsuarmik nioqquteqarneq aallartinneqarpoq, nioqqutigineqartullu tassaanerupput kisermaassilluni nioqqutaasartut, soorlu cigaritsit, imigassat, immiaaqqat assigisaallu.

1964-imi Nanortalimmi KGH-p pisiniarfia illoqarfimmi brugsforening-imit tiguneqarpoq, taannalu aallarniutigalugu Kalaallit Nunaanni pisiniarfinnik namminersortunik ammaasarnerit akulikitsuararsuanngorput. Ilutigitillugulu KGH-p/KNI-p engros-imiit niuernera qaffakkiartulertorpoq 1986-imilu KGH danskit naalagaaffianniit Kalaallit Nunaanni Namminersornerullutik Oqartussanit tiguneqarmat, engros-imiit niuerneq annertuseriapiloorpoq.

Ullumikkut KNI Engros-imiit nioqqutissat suulluunniit nioqqutigineqarput aammalu isumaqatigiissuteqarluni nuna tamakkerlugu immiaaqqanik imeruersaatinillu kulsyretalinnik niqquteqarneq ingerlanneqarpoq.

KNI A/S-ip ataani, suliffeqarfissuup oqaluttuassartaa atuaruk. Una tooruk.


 

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl