Pilersuisoq

- Aamma umiarsualivinnut oqartussaatitaaneq

logo-pilersuisoq-mid.png

Nunaqarfinni illoqarfinnilu arlalinni umiarsualivinnik oqartussaaneq KNI A/S Pilersuisumit tigummineqarpoq. Tamanna ima isumaqarpoq umiarsualivinnut atatillugu suliassat isumagineqarnissaannut tunngasut Namminersorlutik Oqartussat sinnerlugit KNI A/S Pilersuisumit isumagineqartarlutik. Namminersorlutik Oqartussat umiarsualiviutaasa atorneqarneranni pingaarnertut siunertaavoq umiarsuit tikittut tulanneranni usingiarnerannilu, aalisariutit tikinneranni aammalu umiarsuit ilaasartaatit tikinneranni kiffartuunnissaat.

KNI A/S Pilersuisumi sulisuusoq umiarsualivinnut oqartussaasoq taamatut sulisinnaanerminut uppernarsaammik peqarpoq takujumaneqartillugu takutittagassaminik. Umiarsualivinnik oqartussaanermik isumaginnittussaatitaasoq pisinnaatitaaffeqarpoq angallatit inuussutissarsiutaasut, ilaasartaatit Issittumilu Sakkutooqarfiup angallataatai umiarsualivinni taliffigisinnaasaannik innersuussissalluni.

Sunngiffimmi nuannaariutitut atugassiat angallatit umiarsualivinnut Namminersorlutik Oqartussat pigisaannut talissimanissamut pisinnaatitaaffeqanngillat. Taamaaliornissamulli immikkut akuerineqarsinnaapput inuussutissarsiutigalugu angallatinut tamanna akornutaanngippat. Akornutinngorsimappata piginnittup nammineq akisussaaffigisaanut akiligassaanullu peerneqarnissaat illikarneqarnissaalluunniit aalajangissallugu umiarsuliavinnik oqartussaatitaasoq pisinnaatitaaffeqarpoq. Piginnittuusorli tunngaviatigut periarfinneqassaaq angallammi allamut nuunnissaanut.

Pisortat pigisaat umiarsualiviit qanoq atorneqarsinnaanerannik nalornigut apeqqutissaqaruilluunniit najukkanni KNI A/S Pilersuisoq saaffigiuk, tassaniittoq Namminersorlutik Oqartussat sinnerlugit umiarsualivinnut oqartussaatitaasoq attavigalugu.

Sumiiffinni ukunani umiarsualivinnut oqartussaatitaaneq KNI A/S Pilersuisumit isumagineqarpoq:

Uani atuarsinnaavat umiarsualivinnik oqartussaatitaasup suliassai suunersut:

Umiarsualivinnik oqartussaatitaasup taamatut sulisinnaatitaanerminut uppernarsaataa.


 

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl