Oqaluttuarisaanerput

- Oqaluttuarisaanerput sivisooq nutaamut eqqupparput

Pilersuisup oqaluttuassartaa, KNI-p suliffeqarfissuata ilaatulli 1774-imi, Den Kongelige Grønlandske Handel-imik (KGH-mik) pilersitsinermiit aallartippoq.

Ukiut 200-it sinnerlugit KGH-p pisiniarfiinik aqutsineq København-imiit ingerlanneqarpoq – sinerissamilu piffinni pigisaqarfinnilu assigiinngitsuni aaqqissuussamik aqutsineq naalagaaffimmi atorfeqartitanit niuertorutsinillu isumagineqarpoq. 1979-imili Kalaallit Nunaanni Namminersornerulluni Oqartussaaneq eqqunneqarmat, allannguinerit aallartipput. 1992-imi pisiniarfinnik ingerlatsinermi Pisiffik kiisalu Pilersuisoq pilersinneqarput. Illoqarfiit Pisiffeqarfiit tassaapput, unammallerneq aqqutigalugu imminut napatissinnaasumik Pisiffimmik ingerlatsiffiusussat. Pilersuisoqarfiusullu tassaapput illoqarfiit minnerusut, nunaqarfiit kiisalu isorliunerusoqarfiit.

2001-imi Pisiffik namminersorlutik aningaasaliiniartunut tunineqarpoq, tamatumunngalu tun-ngatillugu Nanortalimmi, Narsami, Paamiuni Qasigiannguanilu Pisiffiup pisiniarfii Pilersuisumut nuunneqarput. 2002-milu Kangerlussuarmi Narsarsuarmilu pisiniarfiit akitsuuteqanngitsunik nioqqutillit, Pilersuisumit aamma ingerlanneqalerput.

KNI A/S-ip suliffeqarfissuup oqaluttuassartaa - una tooruk.