Politikkigut

- Isumannaatsuuneq, inuit avatangiisillu aallullugit

Pitsaassutsinut politikki

Polaroil-imi pitsaassuseq tassaatipparput, suliatsinnik ingerlatsinerput pillugu kiffartuutatta tamarmik misigisartagaat.

Kiffartuussinitsinnut atuisut nalilertagaat pingaarnerit tassaasarput:

• Piffissamik eqquisinnaassuseqarnerput.
• Nioqqutinik annikinnerpaaffissaanniititsinernik eqqortitsinerit.
• Nioqqutit pitsaassusaannik teknikkikkut eqqortuliornerit.
• Avatangiisinut mianerinninnermi, iliuuseqalersinnata eqqarsarluaqqaartarnerput.
• Nakimanani, pilertortumik inussiarnersumillu kiffartuussinigut.

Polaroil-imi ingerlakkusuppagut:

• Pitsaassutsinut atuisut piumasaannik naatsorsuutiginninnerannillu eqqortitsinerit.
• Pitsaassutsinik nalilersuiuarnerit pitsanngorsaajuarnerillu.
• Sulisunik pitsanngorsaaqataatitsinerit.
• Sulisut piukkunnaataannik isumaannillu ineriartortitsinerit.
• Inatsisini isumaqatigiissutinilu piumasaqaatinik suliatsinnut attuumassutilinnik eqqortitsinerit.

Avatangiisit pillugit politikki

Polaroil pilersuivoq Nunatta sineriaani issittumi, avatangiiseqartumilu mingutsitsinermik innarlerne-qariaannaasumi. Mingutsitsisoqartillugu nuna imarlu nerisaqarfivut innarlerneqassapput, kigaatsuinnarmillu pissusertik ateqqissinnaavaat. Taamaattumik avatangiisit innarlitsaalineqarnissaat pingaaruteqarluinnartuuvoq.

Polaroil-ip ulluinnarni ingerlatsinermini avatangiisinik sunniisinnaanini annikinnerpaaffianiitinniarlugu suliniartuarumavoq, mingutsitsisinnaaneq pinngitsoortinniarlugu upalungaarsimanerlu annertu-sartuarumallugu.

Polaroil-ip suliniutigiuartuarumavaa sulisut tamarmik avatangiisinik innarlitsaaliinissaq eqqumaffigissagaat, tamannalu ulluinnarni pissusilersornitsigut takuneqarsinnaassaaq.

Polaroil-ip avatangiisinik innarlitsaaliuinini aamma ikummatissanik, ikummatissanik piniartarfimminik suleqatiminillu toqqaasarnermini pingaartikkini timitalersorusuppaa.

Polaroil-ip inatsisit atuuttut nunallu tamalaat akornanni isumaqatigiissutit malikkusuppai, tamakkulu avatangiisinik innarlitsaaliuinerunissaat suleqataaffigerusullugu.

Isumannaallisaaneq pillugu politikki

Isumannaallisaanermi Polaroil-ip politikkeraa, sullivik najorlugu suliffigalugulu tamatigoorlunilu isumannaatsoq pilersissallugu. Sulisunik tamarmik inuttut naleqartitaallutik misigisimasunik ataasiakkaarlutillu piginnaassuseqarnermikkut suliffeqarfimmut tunniussaqarsinnaasunik,  suliffe-
qartitsinissaq siunnerfigalugu anguniagaavoq.

• Suliffeqarfiup isumannaallisaanikkut inissisimaneranut, inatsisit atuuttut qaqugukkulluunniit minnerpaamik piumasaqaataassapput pitsanngorsaanerlu sulissutigineqartuassaaq.
• Isumannaallisaariaatsit ingerlatsinermullu ilitsersuutit tamatigut malinneqartuassapput.
• Suliffik isumannaatsoq, qullerpaartat akisussaaffiisa pingaarnersaralugu qaffasinnersaraat.
• Isumannaatsuuneq sullivimmilu avatangiisit, aningaasaqarnertut tuniniaanertullu naatsorsuun-neqassapput
• Isumannaatsuunissaq akisussaaffigineqartuassaaq.
• Ajutoornerit pisullu tamarmik qullerpaartanut ilisimatitsissutaasassapput.
• Ajutoornissat innarlerneqarsinnaanerillu pinngitsoornissaat pinaveersaarnissaallu imminut aki-lersinnaavoq.
• Isumannaallisaanermik misigisimaneq qullerpaartamiit aallaaveqarpoq.
• Ajutoornerit ajutuungajannerillu tamarmik suliffeqarfimmut ilisimatitsissutaasassapput.
• Sulisut imminerminnut suleqatiminnullu isumannaallisaaneq pitsanngorsartuartariaqarpaat.