Kikkuuvugut?

Kalaallit Nunaanni najugallit tamaasa sullippavut

1774-imili nunatsinni sumiiffiit angisuut mikisullu nioqqutissanik orsussamillu pilersorpagut. Pilersuinerit ikummatissanik immikkoortortaqarfitsinnit, Polaroilimit, nioqqutissanik immikkoortortaqarfitsinnit, Pilersuisumit, KNI Engrosimit piginneqatigiiffitsinniillu Neqimit ingerlanneqarput. Nunatsinni niuernermi sullissinikkullu suliffeqarninni ullumikkut annersaavugut. Aammali ulluinnarmi inuunitsinnut nalinginnaasumik uagut ilaavugut, taannalu allanngortuaannarpoq. Taamaattumik sumiiffinni assigiinngitsuni nunatsinnilu assigiinngitsutigut peqataasarpugut, ataatsimoorlutami nunatta imminut napatissinnaanerulernissaa pilersissinnaagatsigu.

Nunatsinni niuernikkut kiffartuussinermilu suliffeqarfinni annerpaavugut

Ikummatissalerinermik immikkoortortaqarfipput Polaroil, nioqqutissaqarnermi immikkoortortaqarfigut Pilersuisoq aamma KNI Engros kiisalu immikkoortortaqarfipput Neqi aqqutigalugit nuna pilersorparput.
Immikkoortortaqarfiit tamamik nuna tamakkerlugu ulluinnarni suliarisartakkaminnik immikkut qitiusumik suliaqarput.
Suliffimmi avatangiisit peqqinnartut

Suliffeqarfissuugatta 900-it sinnilinnik sulisoqarluta kajumissaarinissatsinnut isumassarsiortitsinissatsinnullu annertuumik akisussaaffeqarpugut. Taama ilillutik sulisut ulluinnarni atugarissaartarput, tamannalu pisisartutta qanoq misigisaqartinneqarnerinut aamma sunniuttarpoq. Taamaattumiguna sulinermi peqqinnartumik avatangiiseqarnissaq – timikkut tanikkullu – uagutsinnut pissusissamisuuginnartoq. Peqqissuunissarput atugarissaarnissarpullu nammineerluta akisussaaffigigaluarparput, taamaakkaluartoq ataatsimoornissarput tamatta suliassaraarput.

Anguniakkagut

Nunatsinni ukiorpassuarni pilersuisuugatta misilittagaqqortuujuvugut, nalinginnaaginnarporlu tamanna atorluarlugu anguniakkanik nutaanik pilersitsisarnissaq, siunissamut piareersarluta. Taamaattumik anguniakkanik nutaanik allanik aamma pilersitsivugut, KNI tamaat eqqarsaatigalugu sammiviliisussanik. Taakku pisisartutsinnit, sulisutsinnit ulluinnarnilu inuunitsinnit ataatsimoorussatsinnit isumassarsiorfiupput.

Oqaluttuassartarput atuaruk

Oqaluttuassartarput

Ukiut 250-t ingerlanerini niuernermi attaveqaqatigiinnermik pilersitsivugut, atorfinnik pilersitsivugut, ullumikkullu inuiaqatigiinnitsinnut tapertaalluta.

Atuaruk

Najoqqutassatut atuakkamut aqqut qaninneq

Atuagaq najoqqutassaq angerlarsimaffinni skærminnut toqqoruk qaqugukkulluunniit atoriaannanngorlugu.

1. Toornerit pingasut talerpiani teqeqqumiittut tuukkit

2. ”Føj til startskærm” tooruk

Startskærminnut ilannguguk

Najoqqutassatut atuakkamut aqqut qaninneq

Atuagaq najoqqutassaq angerlarsimaffinni skærminnut toqqoruk qaqugukkulluunniit atoriaannanngorlugu.

1. Skærmivit naqqani tooruk

2. "Føj til hjemmeskærm” tooruk

Angerlarsimaffinni skærminnut ilannguguk