Sulisunut akissarsianik eqqortumik piffissarlu eqqorlugu tunniussinermik qulakkeerisussamik pingaarutilimmik immikkoortortamik aqutsinissat kissaatigaajuk?
Akissarsialerivimmut teamlederissatsinnik tunniusimasumik ineriartortitsiumassusilimmillu ujartuivugut. Piginnaasaqarluartunik sulisoqartut ulluinnarni aqunnissaannut akisussaaffeqalissaatit kiisalu suliffeqarfimmi sullissinerup pitsaasuunissaanik, ingerlatsinerup pitsaasumik ingerlanissaanik kiisalu pisortanut sulisunullu sullissinerup qaffasissuunissaanik qulakkeerinneqataassallutit.
Teamlederitut suleqatigiinnermut, ineriartortitsinermut pitsaasumillu sullissinermut tunngaviliisumik pitsaasumik sulinermi avatangiiseqalernissaa pilersitseqataaffigissavat.
Atorfik pillugu
Akissarsialerivik sulisunut akissarsianik allaffissornikkut ingerlatsinermut akisussaavoq suliffeqarfimmilu pingaarutilimmik inissisimalluni. Teamlederitut immikkoortortaqarfimmi sulianut aammalu sulisunut akisussaaffeqalissaatit kiisalu suliassat pitsaasumik, eqqortumik isumaqatigiissutinik aqutsinermilu malittarisassanik aammalu inatsisitigut malittarisassat naapertorlugit suliarineqarnissaat qulakkiissallugu.
Sulisoqarnermik pisortaq qaninnertut sulisitsisorissavat kiisalu sulisoqarnermik immikkoortortaqarfik, KNI A/S-imilu pisortat allat qanimut suleqatigalugit.
Teamlederitut pingaarnertut makku suliassarissavatit:
- Akissarsialerivimmi ulluinnarni aqutsineq ataqatigiissaarinerlu
- Akissarsiat eqqortumik piffissarlu eqqorlugu tunniunneqartarnerisa qulakkeernissaat
- Akissarsiat pillugit suleriaatsit allaffissornikkullu ingerlatsinerit pitsaasuunissaasa qulakkeernissaat
- Sulisut sulianut tunngatillugu apeqqutaanni siunnersorlugillu tapersersornissaat
- Allaffissornikkut suleriaatsinik ineriartortitseqataaneq pitsanngorsaaqataanerlu
- Isumaqatigiissutit, isumaqatigiissutaasut inatsisillu atuuttut malinneqarnissaasa qulakkeernissaat
- Misissueqqissaarnernik kisitsisitigullu paasissutissanik aqutsisunut atugassanik suliaqarneq
- Sulisartut kattuffiinik aammalu suleqatigisat avataaneersut suleqatiginissaat
- Akissarsialerinerup HR-systemillu digitaliserneqarnerannut ineriartortinneqarnerannullu peqataaneq
Atorfik imaattumik inuttalerusupparput:
- Allaffissornermi, aningaasaqarnermi, HR-imi imaluunniit assingusumik naleqquttumik ilinniagaqarsimasoq
- Akissarsialerinermi sulisoqarnermilu allaffissornikkut ingerlatsinermik misilittagaqarluartoq
- Aqutsinermik misilittagalik imaluunniit aqutsinissamut uppernarsaatitalinnik piginnaasaqarluartoq
- Isumaqatigiissutit aamma allaffissornikkut malittarisassat pillugit ilisimasaqartoq
- Suleriaaseq aaqqissuussaasoq atorlugu sulisinnaasoq, sukumiisumillu maluginiagaqarsinnaallunilu tamakkiisumik isiginnissinnaasoq
- Akisussaassuseqartoq, kiffartuussiumasoq aaqqiissuteqarsinnaasorlu
- Suleqatigiit akornanni kajumissuseqalersitsisinnaasoq, pitsaasumik atugaqalersitsisinnaasoq ineriartortitsisinnaasorlu
- Suleqateqarnissamut attaveqaqatigiinnermullu pitsaasunik piginnaasalik
Atorfimmut piukkunnartumut neqeroorutigaarput:
- Akissarsiat piginnaasannut naapertuutut
- Aqutsisutut soqutiginartumik atorfik, akissarsialerinerup ineriartortinneqarneranut sunniuteqarnissamut periarfissiisoq
- Sulianut tunngatillugu inuttullu ineriartornissamut periarfissat
- Piginnaasaqarluartunik tunniusimasunillu suleqatitaarnissaq
- Suliffimmi assigiinngissitaartunik suleqatigiiffeqartumi ineriartortitsinermik pitsaasumillu sullissinermik ukkataqarfiusumi sulineq
Atorfik pillugu annertunerusumik paasissutissanik pissarserusukkuit HR-chef Kista Erfurt Lyberth attavigisinnaavat oqarasuaatikkut 86 24 43 imaluunniit e-mailikkut kkr@kni.gl.
Qinnuteqaat
Qinnuteqaat sukumiisoq tunngavilersugaq, ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq tigoreersimassavarput kingusinnerpaamik ulloq 20. august 2026
Qinnuteqaat uunga nassiunneqassaaq:
KNI A/S
Sulisoqarnermut immikkoortortaqarfik
Postboks 319
3911 Sisimiut
Email: jobs@kni.gl
Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaappoq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siammasissorujussuaq ataatsimoortinneqarpoq.
Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qanittumi. Kalaallillu Nunaat tamakkerlugu 900-it eqqaasiorlugit amerlassusilinnik sulisoqarpugut, ukiumullu 2,5 mia. kr.-it pallillugit kaaviiaartittarlutigit.
Suliffeqarfissuarmik paasisimanninneq aamma tassaavoq Kalaallit Nunaata oqaluttuassartaanik, inuiaqatigiit aaqqissuussaanerannik ineriartornerannillu paasisimasaqarneq. Silarsuarmut akisussaaffilimmut unammilligassanillu qaangerniagassalimmut tikilluarit. KNI-p silarsuaanut tikilluarit.
