KNI A/S nioqqutissaqarnermi immikkoortortaqarfia Tasiusami Kommune Kujallermiittumi pikkorissumik, uummaarissumik angusaqarluarniartumik niuertussarsiorpoq ulloq 1. oktober 2026 ima-luunniit isumaqatigiissuteqarnikkut sulilersussamik.
Pitsaanerpaamik pisisartunik sullissineq pingaarteqaarput, tamatumunngalu suleqataanissat kiisalu iluatsitsilluarnissatsinnut suleqataarusussuseqarnissat kissaatigaarput. Ulluinnarni sulininni annertuumik kiffaanngissuseqarlutit sulissagavit akisussaaffeqarnermik ilisimaarinninnissat pingaarnersiuillutillu piffissamik suliffissannik pilersaarusiorsinnaanissat pingaaruteqarpoq.
Unammillerusussuseqarnissat naatsorsuutigaarput, kiisalu sulisut peqatigalugit pisisartut pisiniarnerminni pitsaanerpaamik misigisaqartinnissaasa qulakkeernissaani ineriartortitsisinnaanissat nutaanillu eqqarsartarnissat.
Niuertup nunap immikkoortuani pisortaq qaninnertut pisortarissavaa.
Tasiusami niuertutut akisussaaffigissavatit:
- Eqqortumik nioqqutissanik noqqaasarnissat
- Kiffartuussinissamik isumaqatigiissutip eqquutsinnissaa
- Sulisut aqutsilluarsinnaasumik tunniusimasumillu niuertuuffigineqartussat
- Sammisassanik ineriartortitsineq pilersaarutinillu ingerlatsisarnissaq
- Pisiniarfimmi sulisunullu tunngatillugu allaffissuutiginninnermi suliassanik akisussaaneq
Niuertutut pingaarnertut suliassatit makkuussapput:
- Pilersuisoq Tasiusap ingerlataani tamani angusaqarusussuseqarlutit niuernermik ingerlatsinerup ineriartortinnissaa
- Pisiniarfiup tuniniaanissaanni piareersimajuaqqullugu, nioqqutissanik pilersorneqarnissap ingerlaavartuarnissaa qulakkeerlugu
- Sulisut sapinngisartik tamaat sulilluarsinnaaqqullugit ineriartortillugit kaammattorlugillu
- Pisisartunik suleqatigisartakkanillu pitsaasumik suleqatiginnerusussusilimmik attaveqarneq
- Ullut tamaasa pisiniarfiup tuniniaanissaanut torersuullunilu piareersimatinnissaa
Niuertutut atorfik imaattumik inuttalerusupparput:
- Angusaqarusuttoq anguniagassanillu ilisimaarinnittoq
- Imminut sulisorisanullu pitsaanerpaatitsinissamik piumasaqaatilik
- Imminut sulisorisanillu ineriartortitsisinnaasoq, inuttut sulisutullu
- Pissusissamisuuginnartumik aqutsisuulluni isumassarsiortitsillunilu kaammattuisinnaasoq
- Ulapaarfinni aqutsilluarsinnaasoq
- Nunaqarfimmi najugaqarnermi sulinermilu unammillernarsinnaaneranik ilisimaarinnittoq
Atorfinittussamut neqeroorutigaagut:
- Akissarsiat: KNI A/S SIK-llu isumaqatigiissutaat atuuttut naapertorlugit
- Atorfimmut atatillugu inissaqatitsisoqassaaq, tassungalu qularnaveeqqut, ineqarnermut akiliut, atuineq il.il. akilerneqartassapput, inatsisit malillugit
- Nuunnermi angalanermi, kiisalu pequtit angallannerannut akiliunneqarneq
- Atorfik pissanganartoq ulluinnarnilu ulapaarfiusoq
- Piginnaanngorsaqqinnissamut periarfissat pitsaasut
Atorfik pillugu paasisaqarnerorusukkuit Nunap immikkoortuani pisortaagallartoq Najanguak Nikolajsen oqarasuaatikkut attavigineqarsinnaavoq: 86 82 46 / 86 82 47, mobil: 23 82 86 imaluunniit mail-ikkut: nwn@kni.gl.
Qinnuteqaat
Qinnuteqaat sukumiisoq tunngavilersugaq, ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq tigoreersimassavarput kingusinnerpaamik ulloq 20. september 2026.
Qinnuteqaat uunga nassiunneqassaaq:
KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kni.gl
