KNI A/S Sisimiuni nioqqutissaqarnermi immikkoortortaqarfia Meqqusaalik pisiniarfiup pisortaanut tullersortissarsiorpoq ulloq 7. september 2026 imaluunniit isumaqatigiissuteqarnikkut sulilersussamik.

Tullersortip pisiniarfiup pisortaa qaninnertut pisortarissavaa.

Tullersortitut akisussaaffigissavatit:

• Pisiniarfimmi toqqorsiviinilu nioqqutissanik aqutsineq
• Skilt-inik allanillu nioqqutissanik neqeroornermi aqutsineq
• Nioqqutissanik scannerineq karsinillu aqutsineq
• Pisiniarfimmi eqqiluisaarnissamik aqutsineq

Atorfik imaattumik inuttalerusupparput:

• Niuernermik tunngasumik ilinniagalik
• Nioqqutissanik pisiniarfimmi toqqorsiviinilu suliaqarnermik ingerlatsisinnaasoq
• Niuernerpalaartumik ingerlatsisinnaanermik ilisimasalik
• Pisiniarfimmi ulapaarfiusumi tunniusimasoq
• Sullisserusussusilik aammalu eqaatsumik suleriaasilik

Atorfinittussamut neqeroorutigaagut:

• Akissarsiat: KNI A/S SIK-llu isumaqatigiissutaat atuuttut naapertorlugit
• Atorfimmut atatillugu inissaqartitsisoqanngilaq
• Atorfik pissanganartoq ulluinnarnilu ulapaarfiusoq
• Piginnaanngorsaqqinnissamut periarfissat pitsaasut

Atorfik pillugu paasisaqarnerorusukkuit pisinniarfiup pisortaa Dorthinnguaq Fly attavigineqarsinnaavoq oqarasuaammut: 86 84 54, mobil: 29 12 10 imaluunniit mail-ikkut: dofl@kni.gl.

Qinnuteqaat

Qinnuteqaat sukumiisoq tunngavilersugaq pineqaatissiisarneq pillugu allagartaq, ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq, tigoreersimassavarput kingusinnerpaamik ulloq 4. september 2026.

Qinnuteqaat uunga nassiunneqassaaq:

Meqqusaalik
Postboks 319
3911 Sisimiut
Att.: Dorthinnguaq Fly

E-mail: dofl@kni.gl.